Mfe u Mimi sha Kwagh u Tartor u Aôndo
Yesu yange tese mbadondon un u eren msen ér: “Ter wase u sha, i tsegha iti you. Tartor wou u̱ va. I̱ er ishima you shin tar kpaa, vough er i eren sha nahan.” (Mateu 6:9, 10) Ka nyi i lu Tartor u Aôndo? Ka nyi Tartor shon u lu erene? Man gba u se eren msen ser u̱ va sha ci u nyi?
Yesu Ka Tor u Tartor u Aôndo.
Luka 1:31-33: “U ii un iti wer Yesu. Wan shon una lu orcivirigh, a yilan un ér Wan u U Hemban Cii, shi Yehova Aôndo una na un ikyônough ki torough ki ter na Davidi, una tema Tor sha ya u Yakob gbem sha won, shi Tartor na kpaa ua kar kera mayange ga.”
Tartor la lu itinekwagh i tamen ken loho u Yesu pasen la.
Mateu 9:35: “Yesu due gba zenden zan sha agar a vesen man a kiriki cii. Lu tesen ken ushinagoge shi pasen loho u dedoo u Tartor u Aôndo, shi been ior hanma inja i uange kua hanma inja i mkpeyolga cii.”
Yesu yange tese mbahenen nav ikyav i ia wase ve u fan shighe u a kuma u Tartor u Aôndo ua va yô.
Mateu 24:7: “Gadia ikyurior igen ia mough ityav a ikyurior igen, shi tartor ugen ua mough ityav a tartor ugen, shi ijen ia gba sha ajiir wue wue, shi tar ua tenger sha ajiir kposo kposo.”
Mbahenen mba Yesu mba pasen loho u Tartor la sha tar cii hegen.
Mateu 24:14: ‘Shi a pase loho u dedoo u Tartor ne a tser tar, sha u i lu shiada hen akuraior cii, ka zum la mkur una va ye.’
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Ka Nyi i Lu Tartor u Aôndo?
Time ase nenge er Tartor u Aôndo u kaha kposo a hanma gomoti ugen cii yô
ESSENTIAL BIBLE TEACHINGS
Ka Nyi I Lu Tartor u Aôndo?
Yesu yange hemban tesen ior kwagh u Tartor u Aôndo shighe u lu eren tom na la. Mbadondon un ndera eren msen sônon ér Tartor la u va anyom kar hegen uderi imôngo.
THE BIBLE—WHAT IS ITS MESSAGE?
Jesus Teaches About God’s Kingdom
What was the theme of Jesus’ preaching? How did he demonstrate that his rule would be based on love and justice?
