Ior kpishi sha tar kôr mbagenev ihyom. Ka ve tesen ihyom i kôron sha igbenda kpishi. Ikyav i tesen yô, ka ve nengen mbagenev ér ve gba kwagh ga, shin ve tuhwan ve, shin ve tswamen ve je kpaa. Ihyom i kôron ia tsa a bee sha won kpa? Ngeren mba ken Iyoukura ne vea tese er se er ve ihyom ia bee sha iwasen i Bibilo yô. Shi ve pase er Aôndo a tôndo zwa u va karen a ihyom i kôron kera elegh elegh yô.