Bibilo ôr akaa a surun ishima aa fatyô u taver se ishima shi wasen se u wan ishima shighe u ishima yase i lu henen sha akaa a doon ga yô. Bibilo shi kaa a vese ér ica a gba ga tsô mbamzeyol asev mba ken ishima cii vea bee.

Se cii ashighe agen ishima ka i doo se ker ga; kpa ior mba kwagh a ze ve iyol je ve ure kpishi shin ishima i lu nyian ve yô, zayol ve la ka a lu kwagh u hanma sev. Nahan Bibilo ia fatyô u wasen nena?

• Bibilo ôr akaa a doon kpishi, man aluer se mba henen sha mi yô, se tôô ishima sha akaa a vihin a se lu henen sha mi la kera. (Mbafilipi 4:8) Aluer se mba henen sha akaa a Bibilo i ôr la yô, mkaanem mara ma a sur se ishima shi ishima ia gba se shimi.—Pasalmi 94:18, 19.

• Aluer se mba henen ser se gba kwagh ga je kpa, Bibilo ia wase se, se de u nengen iyol yase sha imba gbenda la.—Luka 12:6, 7.

• Bibilo ôr akaa kpishi a tesen se ér Aôndo u a gbe se la ka a fa er ishima i lu se ker yô, sha nahan yô, se mba tswen ga.—Pasalmi 34:18; 1 Yohane 3:19, 20.

• Bibilo tôndo zwa ér Aôndo una va bee a hanma kwagh u a vihin se ishima cii kera. (Yesaia 65:17; Mpase 21:4) Shighe u se ure shin ishima i lu nyian se yô, ityendezwa la ia fatyô u wasen se u wan ishima.