Ka Ishimaverenkeghen i Nyi I Lu sha Ci u Mbakpeneve?
Ku ngu benden a hanma wase. Kpa ku kure hanma kwagh ciili? A hungur a mbakpenev gbem shawono? Ishimaverenkeghen ngi sha ci u mbakpenevee?
NENGE ASE KWAGH U BIBILO I KAA YÔ:
I HUNGUR A MBAKPENEV GA
“Mba ve lu shin iwar cii . . .vea due.”—Yohane 5:28, 29.
Aôndo umbur mbakpenev; mba a umbur ve la cii una va nder ve.
A VA NDER IOR SHA TAR
“Aôndo ngu va nderen mbaperapera man mbaperapera ga kpaa shin ku.”—Aerenakaa 24:15.
A va nder ior ubiliôn imôngo shin ku a ishimaverenkeghen i lun uma, ken bem gbem shawon.
ISHIMAVERENKEGHEN I VA NDEREN MBAKPENEV LA SE FATYÔ U NAN I JIGHJIGH
“[Aôndo] ôr iyenge i asan, A ii a ati cii.”—Pasalmi 147:4.
Er Aôndo a fetyô u yilan asan cii sha ati yô, a taver un u umbur ior mba una va nder ve la ga.
