U Fatyô u Zuan a Averen a Tsôron hen Aôndo u Se Doo Un Ishima La
Sar u tsung u ityav man ifer kua ayôôso ma ve bee sha tara?
Sar u u angev man ican kua ku ma ve kera lu gaa?
Sar u tsung u ma kwagh u nan we ijungwen man ishimanyian ma a lu gaa?
Sar u u ma u lu hen ijiir i aahe a eren ga yôô?
Aôndo wase u se doo un ishima, u a gbe tar u doon ashe u se tem ker ne, tôndo zwa ér una na uumace vea tema bem bem, ken mlu u saan ve iyol gbem sha won. Kwagh ne ka mnyamciem ga.
Ken ngeren mba ve dondo ne, se mba kaan a we ser:
Nenge er se doo Aôndo u a gbe se la ishima yô
Nenge kwagh u Mkaanem ma Aôndo a ne i nger la ma pase se yô
Nenge akaa a dedoo a uprofeti mba Aôndo ve kaa ér eren shi una va er sha ci wase ken hemen la
Nenge er Aôndo una na a saan se iyol hegen kua ken hemen kpaa yô
De se hii sha u timen sha akaa a Aôndo u a gbe se la a nan se, u tesen ér se doo un ishima la.
