Mbampin Mba Mbaôron Takerada Ne Ve Pin la

Gba u ityendezwa i nomsoor vea kwase ve er u vôson ayol a ve la ia lu Mbakristu beerkwagh ga nena?

Ityendezwa i̱ nomsoor vea kwase ve er ér vea vôso ayol a ve la ka kwagh u nan msaanyol, kpa shi ka kwagh u vesen kpen kpen. Orkristu môm u vian nana̱ de tôôn imba ityendezwa la ér ka kwagh u kiriki, nana̱ henen ér hanma shighe u nan soo cii naná gba bunden i̱ kera sha beerkwagh tsô ga. Ka shighe u í er ityendezwa la shi i lu ihyongo i nomsoor man kwase la vea seer fan ayol a ve cii man vea mase eren ivese ye.

E̱r se lu̱ timen sha itinekwagh ne yô, doo u se kav ser gado u ior u sha kwagh u ivesegh la kaha kposo sha ajiir wue wue kua akaa a ka i er sha u vôson kwase la kpaa, shi mba eren un sha ashighe kposo kposo kpaa. Bibilo tese ikyav i kwagh ne.

Ônov mba Loti mbakasev mba uhar, mba ve lu̱ a̱ “fa nom ga” la, yange ityendezwa lu i̱ nomsombaiorov mbagenev he’ ningir la vea vôso ve. Loti yange lu̱ a ‘ônovmbakemev mba ve lu sôôr ônov nav yô,’ nahan kpa Bibilo ôr se ityôkyaa i yange na ve ve e̱r ityendezwa la ga, shin gbenda u yange ve e̱r i̱ la kpaa ga. Ônov mbakasev mbara yange ve hiaa? Yange ve lu̱ a zwa u wan sha mtsough u tsuan or u naná vôso ve yôô? Yange i tese ityendezwa i̱ í e̱r a ve la ke’ igbara? Se fa ga. (Genese 19:8-14) Kpa se gema se se fa ser Yakob yange e̱r ityendezwa na a ter u Rahel ér una vôso Rahel zum u una shílè ter-na-kem tom anyom ataankarahar cii yô. Shin e̱r Yakob yange ôr kwagh u Rahel yila un ér “kwase wam” nahan kpa, yange yav a na ken anyom la ga. (Genese 29:18-21) U tesen ikyav igen yô, cii man David yange vôso wan u Saulu yô, lu u saa una vande hemban Mbafiliti ityav. Yange Davidi eren sha ishima i Saulu yô, maa a kuma u vôson wan na Mikal. (1 Samuel 18:20-28) “Uityendezwa” mbara yange ve kaha kposo kposo, shi ve kaha a kwagh u í eren ken ityar igenegh kpishi nyian ne kpaa.

Tindi u Mose yange lu a akaawan sha kwagh u ivesegh man ityendezwa i ivesegh kpaa. U tesen ikyav yô, yange lu̱ u nomsoor naná fatyô u vôson kwase hemban môm; shi lu̱ u naná fatyô u paven ivese sha atôakyaa wue wue kpaa, kpa lu̱ u kwase yô naná fatyô u eren nahan ga. (Ekesodu 22:16, 17; Duteronomi 24:1-4) Aluer or mèè iniunkwase i or lú a̱ tôndo zwa a í ga nan vihi i yô, á gba u naná vôso í aluer ter u í lumun yô, shi naná fatyô u paven a nan ga. (Duteronomi 22:28, 29) Yange i wa atindi agen sha kwagh u ivesegh, amba e̱r zum u i doo u̱ palegh u yaven a kwase nahan. (Levitiku 12:2, 5; 15:24; 18:19) Ka akaawan a nyi yange i wa sha kwagh u ityendezwa i iveseghe?

Kwase Iserael u i tende zwa a nan la tindi u sha ityough ki nan yange á lu kposo a u i tende zwa a nan ga yô; ke’ igbenda igen je yô i tôô ér nan vôso nom jim. (Duteronomi 22:23-29; Mateu 1:18, 19) Yange lu̱ u Mbaiserael vea fatyô u eren ityendezwa i̱ ivesegh shin vôson anmgbianev vev mbagen ga. Kera cii yô yange i lu mba ve lu anmgbianev mba sha ngô shin sha ter yô, Kpa ashighe agenegh yô i tswer uityendezwa mba ivesegh kua ávése agenegh sha ci u dyako i yan. (Levitiku 18:6-20; nenge ke’ Iyoukura (Zwa Buter) i̱ uwer u Maaci 15, 1978, peeji 25-28 la.) Kwagh ne wanger wang, yange lu̱ u mbacivir Aôndo vea tôô ityendezwa i ivesegh la ér ka beerkwagh ga.

Mbaiserael yange ve lu̱ sha ikyev i akaawan a Tindi la cii, kpa Mbakristu mbá sha ikyev i Tindi la ga, kua akaawan a tindi a we sha kwagh u ityendezwa i ivesegh shin ivese jim la kpaa. (Mbaromanu 7:4, 6; Mbaefese 2:15; Mbaheberu 8:6, 13) Sha jighilii yô, yange Yesu tèsè ér ieren i Orkristu i̱ sha kwagh u ivesegh kaha a i̱ sha ikyev i Tindi la. (Mateu 19:3-9) Nahan cii kpa, yange pande mnenge u nengen ivese ér ka kwagh u vesen la ga, shin ityendezwa i ivesegh kpaa ga. Nahan, kwagh u ityendezwa i ivesegh hen Mbakristu, u̱ se lu timen shami ne di ye?

Ke’ ityar igenegh kpishi yô, ior mba tsough or u vea vôso la iyol ve. Nomsoor man kwase ka vea tôndo zwa ér vea vôso ayol a ve je tsô, maa i tôô ér ityendezwa i̱ ivesegh kange ve. Kera cii yô, ka kèrà gbe u á e̱r ma kwagh ugenegh u tesen ér i e̱r imba ityendezwa la ga. E̱r i lu nahan cii kpa, sha ajiir agenegh di yô mne u nomsoor nan ne shiôr i nan kunya sha u i̱ lú ikyav i ityendezwa ve i ivesegh la mba eren kpur kpur. Shi ka gado u mbagenev u yôôn ityendezwa la he’ anmgbianev kua ahuraior, e̱r shighe u i zough he’ kwaghyan u he’ tsombor shin ma iniongo igen i kpuaa nahan. Akaa angan ka a hanma or naná tsua iyol i nan u eren yô, ka Ruamabera a hanger ér i̱ er á ga. Kwagh u a ne ve í lú ityendezwa i ivesegh jim yô ka ibumun i he’ atô u mba uhar mbara. *

 Orkristu nana̱ de gbe hiin shiôr, shin eren ityendezwa i ivesegh, shin eren ivese kpóò tsô ga. Se nger akaa a a har sha Bibilo a aa wase mbaukwaav u tsuan shin a̱ lu̱ vough u vea hii shiôr shin vea yòghùr iyol i eren ityendezwa i ivesegh, shin vea e̱r ivese jim yô. * Kwagh u vesen u á lu ke’ kwaghwan la yô ér, ivese i Orkristu ka kwagh u gbekeke.—Genese 2:24; Marku 10:6-9.

Gba u Mbakristu mba uhar mbara vea vande fan ayol a ve dedoo cii ve vea hii u henen sha kwagh u eren ityendezwa i ivesegh ye. Hanmô ve naná fatyô u pinen iyol i nan ér, ‘Mimi je ḿ fa mlu u ke’ jijingi u or u í sarem ka vôson ne man gbashima u nan lu a mi he’ Aôndo kpa? M̱ nenge mer me fatyô u civir Aôndo imôngo vea nan ke’ uma wam ciili? Mo vea nan se nenge aeren a ase pon pon kpa? M̱ na jighjigh mer sé kùmà imôngo vough gbem kpa? Mo vea nan se fa aeren a tse a orgen kua mbamlu mba nan hegen vindi vindi kpa?’

Aluer Mbakristu uhar e̱r ityendezwa i ivesegh he’ atô ve yô, ka vough u ve ayol a ve kua mbagenev kpaa veren ishima ér ivese ia dondo. Yesu yange wa kwagh ér: “Kwaghôron wen yô, ‘Een’ wen a̱ lu ‘Een’ heregh, man ‘ei’ wen kpaa, a̱ lu ‘ei’ heregh.” (Mateu 5:37) Mbakristu mba ve tende zwa yô i̱ lu ve kwagh u gbashima je. Nahan shin e̱r kwagh a fe lun nahan ga kpa, shighe ugen ngu u, alaghga Orkristu u nan er ityendezwa i ivesegh la naná kav ér yange orgen la nan yèr ma kwagh u vesen u yange mà nan pase cii ve ma ve er ityendezwa la yô. Alaghga á lu kwagh u vesen u orgen la yange nan e̱r yô, alaghga je yô á lu ma iferkwagh shin aeren a ijimbagh je kpaa. Orkristu u̱ nan hingir u va fan kwagh ne naná tsua kwagh u naná er yô. Alaghga mba uhar mbara vea tema vea lam sha kwagh la tsembelee nahan vea lumun u zan hemen a ityendezwa ve la. Shin alaghga vea tsua u bunden ityendezwa shon. Shin e̱r u eren nahan la í lu kwagh u ke’ iuv—í lu kwagh u mbagenev vea wa ave shami ga, shin vea hámbè ôron, shin puun ga nahan kpaa—ka kwagh u kiriki ga. Sha vegher ugen di yô, alaghga u nan va fe kwagh shon la naná tsua u kuren ityendezwa shon iyol i nan, shin aluer orgen la nan soo u zan hemen je kpaa.—Nenge “Mbampin mba Mbaôron Takerada ne Ve Pin La” ke’Iyoukura [Zwa Buter] i̱ Jun 15, 1975 la.

Ityôkyaa i vesen ngi i i ne ve i doo u á vande sôron ambaakaa la cii man á er ivese yô. Yesu kaa ér ka ityôkyaa i môm tseegh Ruamabera a lumun ér or naná fatyô u paven ivese shi hiden eren igenegh ye ka por·neiʹa, inja na yô ka idya i karen ikyaa inya i̱ ikyar i ke’ ivese nan er sha apera la je la. (Mateu 5:32; 19:9) Ma shighe môm kpa yange kaa ér a fatyô u sàghén ivese i i kange sha tindi la aluer or nan va ungwa mzeyol u vesen shin kwaghbo u yange orgen la e̱r cii mase kangen ivese la ga.

U tesen ikyav yô, sha ayange a Yesu la lu̱ kwagh u ican u or gban imande ga. Aluer Oryuda nan va fa ér ikyar i nan la yange gba imande shighe u yange vôso nan la (aluer ngula yange nana̱ fa shin nana̱ fa ga kpaa) yô, or shon naná lu a ityôkyaa i paven ivesee? Oryuda u yange lu sha ikyev i Tindi yô alaghga yange naná fatyô u eren nahan, kpa Yesu yô mayange lumun ér doo u mbadondon un ve̱ er kwagh nahan ga. Time ase sha akaa agenegh a sha ayange a ainge ne. Alaghga or u nan gbe bor shin ingyà shin nan lu a bo anyigôr u i yer zevela ér HIV la, shin ma bouange ugen u tsaren naná e̱r ivese a u pasen kwagh ne shio. Alaghga yange nan tôô angev mbura sha ijimba i eren cii ve e̱r ityendezwa la ye, ga yô zum u ve e̱r i̱ kera je kpaa. Aluer kwase la va kav angev mbu nan shin ijimba i ngise nan e̱r (shin or shon ngu ikyôm shin nan kpe ijua je kpaa) gema kwagh ke’ ivese i ve er hegen la ga. Ieren i hôngorough i ngise or nan e̱r cii ve nan mase eren ivese la ka ityôkyaa i Ruamabera a lumun ér a fatyô u paven ivese la ga, di vough e̱r aluer yange kwase la nana̱ gba mà angev shin nana̱ yèr iyav mbu orgen nan we nan zum u nan kohol iyol i ivesegh la je kpa í lú ityôkyaa i paven ivese ga nahan. Hegen ve e̱r ivese nahan ve wa ayol a ve ke’ mkange.

Sha mimi yô, ambaakaa a nan ahenge a van la fa ngan ga, kpa akav ne a̱ seer shiishi kwagh ne ke’ asema ase taveraa nahan ér: Ityendezwa i ivesegh ka kwagh u kiriki ga. Cii man Mbakristu vea e̱r ityendezwa kua zum u ve er i̱ kera je kpaa, ve̱ nôngo ve̱ fa ayol ave dedoo. Doo u vea pase kwagh u orgen la nan soo u fan la sha mimi shin kwagh u̱ nan lu a ian i fan keng la. (Ke’ ityar igen yô i wa tindi ér saa nomsoor man kwase mba ve lu sôôr ayol a ve la vea za kar akaa ke’ iyouci keng cii ve vea mase eren ivese ye. Alaghga mbagenev vea soo u eren imba ikyaren la sha e̱r vea fa kwagh u á lu yô.) Sha nahan yô mtee u ka i tôô ityendezwa i ivesegh ér ka kwagh u kiriki ga shi i lu kwagh u iemberegh kpa heregh la una iv awashima u civirigh e̱r ve mba uhar mbara vea za hemen vea ar sha ian i ivesegh jim i i hembe lun i iemberegh shi i hembe lun tamen kwagh kpaa la.—Anzaakaa 5:18, 19; Mbaefese 5:33.

[Footnotes]