‘Aôndo, Tindi Iwanger You’

“Tindi iwanger You kua mimi Wou, ve̱ hemen mo.”—PASALMI 43:3.

1. Yehova pasen mbaawashima nav nena?

 YEHOVA pasen mbaawashima nav he’ mbacivir un sha ikyo i wan kpishi. Ka a taan se iwanger a seer a seer kure kure, pasen mimi kwa môm gagh ga, sha er amerama a iwanger la a̱ de waan se ilyanegh ga yô. A fatyô u tôôn zende u se lu zan sha gbenda u uma ne karen sha zende u or u nan lu yaren ke’ ityev i i gbe ica angahar yô. Ka nan due pepe dindee nahan nan nenge kera wang ga. Kpa iyange ia nguren duen tegh tegh yô, orsule ne nan gba kaven akaa agenegh a a kase nan la. Agenegh la  cii yô, nan gba kenger a cing tsô. Kpa shi iyange ia nguren kôndon sha tembe yô, nan gba nengen yemen ca hiinii. Kape kwagh u iwanger i ke’ jijingi í Aôndo a ne la kpa a lu la. Ne se ian i kaven akaa kpuaa kpuaa. Yesu Kristu, Wan u Aôndo kpa ngise taan iwanger i ke’ jijingi sha imba igbenda ngira nahan vough. De se tôv se nenge nen e̱r ngise Yehova taan ior nav iwanger man e̱r nyian kpa a lu tan i yô.

2. Yange Yehova ta iwanger sha ashighe a Mbakristu lu a lu ga la nena?

² A̱ shi nan kpa ior mba ngise ve dugh icam i Pasalmi u sha 43 la lu ônov mba Kora. E̱r ve lu Mbalevi yô, i na ve ian i civirigh i tesen ior Tindi u Aôndo. (Malaki 2:7) Nahan cii kpa ka Yehova yange lù Ortesen ve u Hemban Cii ye, shi ve veren ashe a na sha e̱r lù Imbor i hanma mfe cii yô. (Yesaia 30:20) Orngeren pasalmi la er msen ér: “Aôndo, . . . tindi iwanger You kua mimi Wou, ve̱ hemen mo.” (Pasalmi 43:1, 3) Mbaiserael yange véà ungwan Yehova di tsô yô, a tesen ve igbenda na. Uderimbaanyomov mba karen yô, Yehova saan ishigh sha a ve, na ve iwanger i mondon tseer tseer man mimi kpaa. Yange Aôndo er kwagh ne zum u a tindi Wan na shin tar la.

3. Ityesen i Yesu yange lu ikyaren hen Mbayuda sha nyi gbenda?

³ Or u i yilan ér Yesu Kristu, u̱ a lu Wan u Aôndo la, lu “iwanger i tar.” (Yohane 8:12) Yange tese ior “akaa kpishi sha anzaakaa”—lu akaa a he jim jim. (Marku 4:2) Yange kaa a Pontiu Pilatu er: “Tartor Wam ka u shin tar ne ga.” (Yohane 18:36) Kwagh la yange lu kwagh u he hen Orromanu kua Mbayuda mba yange kwagh u tar ve gba ve ishima yum la kpaa, gadia ve henen ér ka u Mesiya una va kighir Zegetartor u Roma la ua gure anu inya shi una hide Iserael a icivir na i tsuaa la her. Yesu lù tan iwanger i i dugh he’ Yehova yô, kpa mkaanem nam gema doo mbahemenev mba Mbayuda ishima ga, ve mba “icivir i ior hemba doon ve a icivir i Aôndo” la. (Yohane 12:42, 43) Ve mbagenev kpishi de hemba doon ve u várén ke’ aeren a ve a ior la aa u ngohol iwanger i jijingi man mimi u a dugh hen Aôndo la.—Pasalmi 43:3; Mateu 13:15.

4. Hii nan se fe ser yange lù u mbahenen mba Yesu vea za hemen u vesen ke’ mfe?

⁴ Nahan cii kpa asande agenegh ke’ nomsombaiorov man kasev mba lun a ishima i mimi gema ngohol mimi u Yesu tese la ave ahar. Ve zer zan hemen ke’ mkav u ve lu kaven mbaawashima mba Aôndo la gbem. E̱r shighe kuma u uma u shin tar, u̱ Ortesen ve la una bee nahan kpa akaa lu zwa inya kpishi a yange gba u vea hen yô. Yesu kaa a ve ér: “Akaa shim kpishi a ma M er ne yô, kpa ne kôr a cio hegen ga.” (Yohane 16:12) Een, lù u mbahenen mbara vea za hemen u vesen ken mfe u fan mimi u Aôndo la.

Iwanger Ngi Mondon a Mondo Her

5. Ka ikyaa i nyi yange i due ke’ derianyom u hiihii la, man ka unô yange lù tom ve u kuren ikyaa shono?

⁵ E̱r Yesu kpe shi i nder un shin mbakpenev kera cii yô, iwanger i i dugh he’ Aôndo la wanger hemba ave a tse. Yehova pase Peteru ke’ mpase u sha mnenge u a tese un la ér hii he’ shighe la je, lù u Atôatyev kpa aa hingir mbadondon Kristu. (Aerenakaa 10:9-17) Kwagh la lù mpase u i pase ke’ igbar yô! Nahan cii kpa, ke’ masejime yô mpin due nahan ér: Yehova soo ér zum u Atôatyev la a gem a hingir Mbakristu yô, saa á kpa aa tsôngo keng-e? Yange i vande nan mlumun sha mpin la ke’ mpase u sha mnenge la ga, nahan kwagh la hingir ikyaa i Mbakristu vea gba anyiman sha mi tsung yô. Hingir u saa a kure ikyaa shon keng sha er mlu ve u injaa u ve lu ke’ mzough la a̱ de vihin ga yô. Nahan, “mbaapostoli man mbatamen kohol sha u vea time sha kwagh ne” ke’ Yerusalem.—Aerenakaa 15:1, 2, 6.

6. Ka gbenda u nyi mbaapostoli man mbatamen yange ve kar zum u ve lu tôvon sha kwagh u icôngo la?

⁶ Lù u ior mba yange ve va mkombo la vea er nan ve vea fa ishima i Aôndo sha kwagh u Atôatyev a a ne jighjigh laa? Yange Yehova tindi ortyom ér nana̱ zà hemen kwaghôron la ga, shin yange tese e̱r ishima i doo un a ve sha u tesen ve ivande kpaa ga. Nahan cii kpa, yange gba di gbihin mbaapostoli man mbatamen mbara aa gbenda u vea kar ga ze. Yange ve tôv sha shiada i Mbakristu mbagenev mba ve lu Mbayuda ve er la, ka ve mba ve nénge er Aôndo hii u wan ndor a akuraior, shi haa icighan jijingi na sha Atôatyev a i tsôngo á ga je la. Shi ve time ke’ Ruamabera sha u i tese ve gbenda kpaa. Sha nahan yô, apostoli Yakobu due a mhen u yange har sha ivur ruamabera i yange i wanger tsembelee yô. Mba ngur gbidyen kwar sha avindir a a lu la yô, kwagh u Aôndo soo er i er la maa due ke’ igbar.  Lù u̱ saa ior mba ke’ akuraior la vea tsôngo keng ve Yehova una lumun a ve ga. Tsô mbaapostoli man mbatamen mbara kera timbir a timbir ga, ve nger kwagh u ve gba zwa môm sha mi la shin takerada sha er kwagh la una tese mba ve lu Mbakristu a ve ityô la gbenda yô.—Aerenakaa 15:12-29; 16:4.

7. Yange Mbakristu mba ke’ derianyom u hiihii mbara za ikyura nena?

⁷ Yange Mbakristu mbagenev kpishi mba̱ ve lu̱ Mbayuda mbara ember zum u ve ngohol zege mkav u he u awashima u Aôndo yange wa a ior mba ke’ akuraior la yô, shin er mngohol u ngohol mkav shon la yange na gba u vea gema mnenge u ve nengen Atôatyev jimin cii la nahan kpaa. Ve kera e̱r kwagh ier i mbahemen kwaghaôndo u Mbayuda mba yange ve vár ke’ aeren a uter vev gbang la nahan ga. Tsô Yehova ver jijingi ve u hiden a iyol ijime la doo doo, “nahan iniongo i Kristu taver ken jighjigh u nan, man iyenge ve lu seer a seer ayange ayange.”—Aerenakaa 15:31; 16:5.

8. (a) Hii nan ve se fe ser á fatyô u veren ishima ér iwanger ia seer a seer e̱r derianyom u sha hiihii la bee kera laa? (b) Ka mbampin mba sha gbir mba nyiiv i lu u se time sha mini?

⁸ Iwanger i ke’ jijingi za hemen u wanger ke’ derianyom u sha hiihii la jimin cii. Kpa Yehova pase hanma vegher u mbaawashima nav he’ Mbakristu mba hiihii mbara ga. Apostoli Paulu yange kaa a mbananjighjigh a na imôngo sha derianyom u sha hiihii la ér: “Hegen se mba nengen ken ijingi cing.” (1 Mbakorinte 13:12) Ishigh ki imba ijingi la yange ki wanger vindi vindi je u a fatyô u nengen a kwagh ker wang ga. Sha hiihii la yô, mkav u kaven iwanger i ke’ jijingi la yange una wanger cii ga. E̱r mbaapostoli mbara kpe kar kera yô, iwanger la pande wa ime sha anshighe kpuaa, kpa sember sember ne mfe u Ruamabera dumbur. (Daniel 12:4) Yehova te ior nav iwanger nyian nena? Man aluer a seer mkav wase u se kav Ruamabera la nahan se er nena?

Iwanger la Ngi Seer a Seer

9. Ka sha gbenda u dedoo u nyi Mbahenen Bibilo mbara yange ve henen Bibilo man ú kaha kposo?

⁹ Sha ayange ne yô, iwanger i mimi yange hii u wanger imar imar ke’ vegher u masetyô u derianyom u sha 19 la, zum u nongo u Mbakristu mbagenev, nomsombaiorov man kasev hii u timen ke’ Ruamabera vie vie la. Yange ve due a gbenda u henen Bibilo ú wasen. Yange or nan pine mpin; nahan nongo la cii u gba tôvon sha avur a Ruamabera a a gbe a zough sha mpin shon yô. Zum u a̱ lu inja er ivur Bibilo nyiman a igen yô, ve Mbakristu mba mimi mban ve nôngo tsung sha u vea hime avur a ahar la cii yô. Mbahenen Bibilo mbara (kape yange i yilan Mbashiada mba Yehova je la) yange ve kange ishima u nan Icighanruamabera ian ér i hemen ve, kera lu aeren a uter  shin atindiakaa a ior a mbahemen kwaghaôndo mba sha ayange a ve la dondon la ga. Yange vea timen sha avindir a ke’ Ruamabera la cii vea been yô, maa ve nger akaa a ve mase gban zwa môm sha á la. Sha nahan yô, mkav ve u ve kav atesen a vesen kpishi a Bibilo la maa wanger wang.

10. Kanyi ityakerada i wasen u henen Bibilo a mi yange Charles Taze Russell ngere?

¹⁰ Or u yange nan due tseer tseer ke’ Mbahenen Bibilo mba shon yô lù Charles Taze Russell. Yange nger ityakerada i wasen u henen Bibilo a mi ataratar i yilan í ér Studies in the Scriptures. Yange Anmgbian Russell wa ishima ér una nger tihi u sha utaankaruhar, u una na mpase sha ityakerada i ke’ Bibilo i Esekiel man Mpase la. Yange kaa ér: “Hanma shighe u m zough a iwanger cii me nger Tihi u sha Utaankaruhar la.” Kpa shi a seer nahan wener: “Nahan cii kpa aluer Ter una na orgen iwanger shon yô, nana fatyô u ngeren ú.”

11. Kanyi mzough i lu he’ atô u mlu u shighe man mkav wase u kaven mbaawashima mba Aôndo laa?

¹¹ Mkaanem ma C. T. Russell ma i vande teren ne tese tamenkwagh u a lu hange hange ke’ mkav wase u kaven avegher a Bibilo agenegh yô—ka mlu u shighe je la. Anmgbian Russell yange fa je ér una fatyô u kighir iwanger ér i ta sha takerada u Mpase ga, di er or u yaren ke’ ityev u̱ ishima i nyian nan kpa naná fatyô u torough a iyange ér i due cii man shighe u i dugh la una mase kuman ga nahan.

Í Na Mpase—Kpa Lu sha Shighe u Aôndo Ver La

12. (a) Ka hanma shighe i hembe kaven kwaghôron u profeti u Bibilo? (b) Kanyi ikyav i lu i tesen ér tahav asev mbu kaven kwaghôron u profeti u Bibilo la har ka sha shighe u Aôndo a ver laa? (Nenge ngeren u shin kpe la.)

¹² Di vough er yange Yesu kpe shi i nder un kera cii ve mbaapostoli mase kaven akaaôron a profeti agenegh kpishi sha kwagh u Mesiya nahan, kape nyian kpa Mbakristu ve kaven akaaôron a profeti a Bibilo vie vie í lun shighe u akaa la a iv kera cii je la. (Luka 24:15, 27; Aerenakaa 1:15-21; 4:26, 27) Mpase ka takerada u kwaghôron u profeti, nahan se ver ishima u kaven u wang er akaa a ú tsengeôron la aa lu ivin yô. U tesen ikyav yô, C. T. Russell yange ma fatyô u fan ikyav i inyam i nyian boung i í er kwagh u i ke’ Mpase 17:9-11 la ga, sha ci u mbamzough mba inyam la i til sha ityough vev la lù a lù ga zan zan un kar kpen, ka Mzough u Ityar Sha won cii man Mzough u Ityar Cii je la. *

13. Kanyi kwagh ashighe agenegh ka i er zum u iwanger ka ia ta sha atesen a Bibilo agenegh yô?

¹³ Zum u Mbakristu mba tsuaa mbara mase kaven ér Atôatyev a i tsenge a ga la kpa lù u aa fatyô u hingir mbananjighjigh a ve imôngo yô, mgem la gema due a ikyaa igenegh, ka mgbe u yange gba u ior mba ke’ akuraior vea tsôngo je la. Kwagh la na u mbaapostoli man mbatamen vea hide a time sha kwagh u icôngo la. Nyian kpa kape kwagh la a lu la. Ashighe agenegh iwanger i i te sha ma gbaa tyesenegh u Bibilo la ka i na “wanakiriki u jighjigh man u fan kwagh,” mbatomov mba Aôndo a shigh ve mkurem la a hide a time sha atineakaa agenegh a a gbe a zough sha itinekwagh shon yô, di er akav a a sember eren man i nger shiin ne a tese nahan.—Mateu 24:45.

14-16. Mnenge wase sha kwagh u tempel u ke’ jijingi u̱ yange i va kôôm la yange bende a mkav wase u se kav Esekiel ityough 40 zan zan 48 la nena?

¹⁴ Ke’ inyom i 1971 la i gber mpase u Esekiel ke’ takerada u i yer ér “The Nations Shall Know That I Am Jehovah”—How? la. Yange ityough kigenegh ki ke’ takerada la pande time sha mpase u sha mnenge u Esekiel u sha kwagh u tempel la. (Esekiel, ityough 40-48) He’ shighe la yô i hemba veren ishima sha u fan e̱r mpase u sha mnenge u Esekiel u sha kwagh u tempel una va iv ke’ tar u he la yô.—2 Peteru 3:13.

¹⁵ Nahan cii kpa agbaa a kwaghngeren ahar a yange i nger ke’ Iyoukura [Zwa Buter] i Disemba 1, 1972 la bende a mkav u se kav mpase u sha mnenge u Esekiel la. Akaangeren la pase kwagh u zege tempel u ke’ jijingi u apostoli Paulu yange pase mlu na ke’ Mbaheberu ityough 10 la. Iyoukura la pase ér Icighankpar man tembe u ke’ atô u tempel u ke’ jijingi la zua sha mlu u mba i shigh ve mkurem he’  zum u ve lu shin tar la. E̱r anyom nga karen man mbá ngur kimbir u timen sha Esekiel ityough 40 zan zan 48 yô, i mase kaven ér di vough er tempel u ke’ jijingi la a eren tom nyian nahan, kape tempel u ngise Esekiel nenge a mi ke’ mpase u sha mnenge la kpa a eren tom nyian je la. Inja nena?

¹⁶ Ke’ mpase u sha mnenge u Esekiel la, i nenge a upristi ve lu zenden ke’ tembe u tempel la eren ikwe i i lu upristi ga la tom. Ikyav tese wang je ér upristi mban tile sha ityough ki “nongo u upristi mba sha inja i tor” la, ka mbacivir Yehova mba i shigh ve mkurem mbara je la. (1 Peteru 2:9) Nahan cii kpa ka u vea zer eren tom ke’ tembe u tempel u a lu shin tar la ke’ atô u Anyom Dubu a Mtemtor u Kristu la cii ga. (Mpase 20:4) Kwagh u mbara mba i shigh ve mkurem la vea lu hemban eren he’ shighe la yô, a lu u shiren Aôndo tom ken Icighankpar u Hemban cii ken tempel u ke’ jijingi la, ka “sha jim” je la, man alaghga je yô, vea shile tom ne zan zan shighe la cii una kar been. (Mbaheberu 9:24) E̱r i nenge upristi ve lu duen shi nyôron ke’ tembe u tempel u Esekiel la yô, a̱ shi nan kpa mpase u sha mnenge la una lu ivin ainge u̱ mba i shigh ve mkurem ve lu shin tar her ne. Ka nahan ve mgber u magazin ne, u̱ ke’ uwer u Maaci 1, 1999 la yange due a mnenge ugen u i ser un wang sha itinekwagh ne ye. Sha nahan yô, iwanger i ke’ jijingi mondo sha kwaghôron u profeti u Esekiel la ke’ mhii u derianyom u sha 20 la je zan zan kar been.

Wa Iyol Kegh a Kegh u Kôôm Mnenge Wou

17. E̱r yange ú va zua a mkav u mimi kera yô, ka mbamnenge mba nyi ú sere, man ú zua a mtsera ker nena?

¹⁷ Anti or u i sar nan ka fan mimi cii saa naná wa iyol naná kegh a kegh u haan “hanma mhen abata sha u a̱ wa Kristu iko” yô. (2 Mbakorinte 10:5) Kwagh la fe peese u eren ga, hemban je yô aluer amba a mhen la za shimi tsung yô. U tesen ikyav yô, cii man yange ú hen mimi u Aôndo yô, alaghga yange i saan we iyol u ember umemyol mbagenev mba ukwaghaôndo la vea tsombor wou. Kpa ú hiin Bibilo i henen yô, ú mase kaven e̱r uiniongo mban ve dugh i lu he’ mbafanaôndoga nahan. Sha hiihii la yô, alaghga yange uwer a gba ú u̱ eren sha kwagh u ú henen la. Nahan kpa kera kera tsô, dooshima u Aôndo hemba taver a kpensaren u kwaghaôndo la, maa ú de u eren uiniongo mba Aôndo a lumun a ve ga la. Yehova ver kwagh u ú tsough u eren a ishima you la doo doo gaa?—Tôô kar sha Mbaheberu 11:25.

18. Zum u i seer tan iwanger sha mkav u se kav mimi u Bibilo yô, doo u se er nena?

¹⁸ Hanma shighe u ka sea er kwagh sha ishima i Aôndo cii yô, ka se zua a mtsera. (Yesaia 48:17, 18) Nahan zum u i wanger mnenge wase u se lu a mi sha ma ivur Bibilo yô se ember nen sha ci u mzehemen u mimi la! Sha jighilii yô, e̱r i gbe u se zaan hemen u zuan a iwanger la gema tese ér se mba zan ka sha gbenda u vough. Ka “gbenda u orperapera” u lu e̱r “iwanger i sha use nahan [ye], ngi seer a seer zan hemen zan zan mkende u iyange sha sha tembe.” (Anzaakaa 4:18) Sha mimi yô, se mba panden nengen avegher a awashima u Aôndo agenegh “cing.” Kpa shighe u Aôndo a ver la una kuma man aluer angahar a ase aa sôghul sha “gbenda” her yô, se nenge a mimi sha avegher na a dedoo la cii. Kpa hegen di yô, de se ember nen ke’ akaa a mimi a Yehova a pase wang ne, se gema se kegh nen á í lu a̱ fa wang ga la.

19. Ka ke’ gbenda u nyi se fatyô u tesen ser se soo mimi?

¹⁹ Se tese mdoo u iwanger i doo se ishima la ke’ igbar nena? Gbenda u se er nahan yô, ka u ôron Mkaanem ma Aôndo hanma shighe—aluer se a̱ fatyô yô i luun hanma iyange. Ú sôr shighe ú ver ú ngu ôron Bibilo sha hanma ian kpa? Shi umagazin mba i yer ér Iyoukura man shi Awake! la mba ne se kwaghyan u dedoo u ke’ jijingi mgbeghaa sha u se ember yô. Shi nenge ase, ityakerada man antakerada mbakiriki man ityakerada igenegh i i gber  sha ci u iwasen yase la. Man hide sha abaver a taver ishima a sha kwagh u tom u pasen kwagh u Tartor, a ka i gber ke’ takerada u i yer ér Yearbook of Jehovah’s Witnesses la di ye?

20. Kanyi mzough i lu her atô u iwanger man mimi u a dugh he’ Yehova la kua mze u se zan mbamkombo mba Mbakristu la?

²⁰ Een, Yehova ungwa msen u i er ke’ Pasalmi 43:3 la sha gbenda u kpiligh iyol. I nger ke’ mkur u ivur la ér: “[Iwanger you man mimi wou] ve̱ za a mo sha icighanwo Wou, man hen ajiir a U tem la.” Ú ngu veren ishima keghen u va civir Yehova a ikpelaior igenegh kpa? Kwaghwan u ke’ jijingi u i ne ke’ mbamkombo asev la ka gbenda u injaa u Yehova a te iwanger nyian yô. Kanyi se er sha u seer iwuese i se lu a mi sha mbamkombo mba Mbakristu laa? Se mba lôhôn we ser u̱ tôv sha itinekwagh ne ke’ kwaghngeren u a dondo ne aa msen u eren.

[Footnotes]

Ú Fatyô u Nan Mlumun Kpa?

• Ka sha ci u nyi Yehova a pasen mbaawashima nav kúlè kúlè?

• Mbaapostoli man mbatamen mba ke’ Yerusalem yange ve kure ikyaa i icôngogh la nena?

• Ka gbenda u henen Bibilo u nyi yange Mbahenen Bibilo mba tsuaa mbara dondo, man gbenda la yange ú kaha kposo inja nena?

• Tese ikyav e̱r i pasen iwanger i ke’ jijingi sha shighe u Aôndo a ver la yô.

[Study Questions]

[Picture on page 10]

Yange Charles Taze Russell fa je ér iwanger a va ta sha takerada u Mpase sha shighe u Aôndo a ver la