Ibaver I Mba Yôôn Tartor

U Fan Aôndo u Dooshima

SHIGHE u Antônio u ke’ tar u Brazil nyôr anyom 16 la nahan, uma due un ishima kera kpaa. Mhen u henen ér gbenda môm kera ngu ga la na yô a nyôr u mán icimbiv mbi bov shi mán kyôhô tsúséè kpaa. Ashighe kpishi yange i kéndé un ke’ ishima u wuan iyol na. Ka sha ashighe angara nahan yange á umbur kwagh u ngô na yange ôr un la ye, ér: “Aôndo ka dooshima.” (1 Yohane 4:8) Kpa Aôndo shon u dooshima ne lu̱ han jimi?

Sha er Antônio soo u una nôngo a de u mán akaabo ne yô, a za pine fada u he’ parish ugen iwasen. Shin e̱r Antônio hingir u taver ke’ Côôci i Katoliko tsung nahan kpa, lu a mbampin mba pinen her kpishi. U tesen ikyav yô, mkaanem ma Yesu yange kaa ér, “né fa mimi, mimi kpaa una pase ne una tuhwa” la, ma taver un u kaven kpishi. (Yohane 8:32) Ka nyi inja mpase u pasen or tuhwan yange Yesu tôndo zwa u van a mi? Côôci fatyô u nan un mbamlumun mba kuman un sha mbampin nav mbara ga. Ke’ masejime yô, Antônio hide yem kule kule shi gba za eren akaa a ngise vanden eren la. Kwa ne je yô, kwagh hemba vihin gban kera cii.

He’ shighe ne yô, Maria kwase u Antônio, hii u henen Bibilo vea Mbashiada mba Yehova. Shin e̱r Antônio yàngè kwase na u henen kwagh ga nahan kpa, a gema a hùrè Mbashiada kera ér ka “kwaghaôndo u Mbaamerika u á keren u eren sha ishima i tar u Amerika u ú keren u samber a tahav vev la.”

Kpa Maria gba uwer ga, zer veren agbenger a magazin mba i yer ér Iyoukura man Awake! á i nger akaa a yange hen ér alaghga aa doo Antônio ishima u ôron la ke’ you pon pon. E̱r yange Antônio soo kwagh u takerada u ôron yum yô, ashighe agen kwase na a̱ lu her ga yô, a bugh magazin mbara a gba ashe ker. Er yange mase lun je lù hiin na u zuan a mbamlumun sha mbampin nav mba ke’ Bibilo je la. A umbur nahan ér: “Shi m hii u nengen a dooshima man erdoo u kwase wam man Mbashiada mbagenev lu eren a mo la.”

Inyom i 1992 la i gbe ke’ atô nahan, Antônio tsua a ishima na ér una hen Bibilo vea Mbashiada mba Yehova. Nahan kpa á za hemen u mán icimbiv mbi bov shi mán ikyôhô her coholoo. Iyange igen un vea ijende na mba ngur hiden he’ angar ugen tugh yô, dasenda maa kôr ve. Dasenda mbara mba zough Antônio a icigh ki i yer ér kokein la yô, maa ve kôr a mi gbidyen un je. Ordasenda ugen zôhô un shin amgbiôr gema zwa gbuuka hôn un sha ishi. Tsô dasenda mbagenev mbara nándè kaa a ngura ér: “Bee a na!”

Antônio yav shin amgbiôr gbedaa gba umbur mlu u uma na. Akaa a yange fatyô u umbur yô, lu tsombor na man Yehova tseegh. A e̱r msen kpásè, a zamber Yehova ér a̱ wase un. Tsô dasenda mbara maa gba den un a ityôkyaa shio tsô. A yem ke’ ya na, a na jighjigh ér mimi je lu Yehova kùrà un ye.

Antônio maa bugh ke’ Bibilo i henen taveraa. Tegh tegh tsô, a gba nyôôso uma na sha u eren ishima i Yehova. (Mbaefese 4:22-24) E̱r á hen u kôron iyol tsaha yô, maa a hii u nôngon a mbamzeyol nav mba mán icimbiv mbi bov la. Nahan je kpa, gba u saa á za sôr un sha iyouci. Shighe u a tsa sha iyouci iwer ihiar la, a zua a shighe u ôron akaangeren kpishi a a har sha Bibilo yô, kua takerada u i yer ér Mfe u Una Va a Uma u Tsôron La kpaa. Tsô Antônio maa hii u pasen mbauangev mbagenev kwagh u un lu henen ke’ ityakerada shon la.

Mba hongo Antônio gambe yô, a za hemen u henen Bibilo vea Mbashiada. Nyian Antônio man Maria man ônov vev mbakasev uhar man ngô u Antônio kpaa cii mba civir Yehova imôngo he’ tsombor môm kangenaa. Antônio kaa nahan wener: “Ka hegen m mase kaven inja i mkaanem ma i kaa ér ‘Aôndo ka dooshima’ la wang ye.”

[Picture on page 18]

U pasen kwagh ke’ gar u Rio de Janerio