Ibaver I Mba Yôôn Tartor

U Urun Isham i Mimi Mngerem ke’ Tar u Chile

SHA ityoughkitaregh ki Chile yô, anyom ka a kar imôngo cii man ura u mase nôôn ye. Kpa ka ua lagh a nôô yô, ikpoghonya man ajiir a lun awen awen la a gema a cir a imendenev mbi lun a uimondon atô wue wue he’ inya kpúlúghúú. Kwagh u doon kenger ne ka a na ior mba man ahumbe nengen ityar ve mough sha ajiir wue wue ve va he’ ipaventar la sha u va nengen.

Nahan cii kpa, kwagh ugenegh u hemban doon ngu zan hemen he’ atô u ior i Chile. Mngerem ma mimi u Bibilo ma kuan nyôron ke’ hanma ijiir i ke’ tar la cii, man ior kpishi mba ve lu a gbashima yô, mba “kparen” hingir mbahenen mba Yesu Kristu. Môm ke’ igbenda i i samber a mngerem ma mimi man yô, ka sha waya u gbidyen. U̱vàndè-èrèn mba ve dondo heen ne ve tese mbamtsera mba dedoo mba i zough a mi sha gbenda u eren shiada ungun ne yô.

• Anmgbian wase u kwase ugenegh u eren tom ivangeli hanma shighe lu, í yilan un iti ér Karina. Yange i kaa a na sha mkohol u ningir la ér a̱ tese ikyav e̱r ka i er shiada sha waya u gbidyen yô a nenge. Nahan cii kpa, er i lù je, Karina lu a̱ yar tom a imba gbenda i eren tom shiada ngin ga. Nahan sha u taver Karina ishima u wan zwa sha akaaôron a sha aaven a mkohol la yô, ortamen ugen vea kwase na ve vande timen sha asemberakaa agenegh vea na er ka i kar ve i er shiada sha waya u gbidyen yô. Shi ve wa un kwagh kpaa ér a̱ er msen he’ Yehova sha er una tese un gbenda sha kwagh la yô. Un kpa er nahan. Ke’ masejime yô, a kange ishima ér una kar gbidyen waya lamen a or una nenge.

Karina maa tsua namba u gbidyen waya he’ angar u lu ikyua a na yô. Orgen u eren tom shin tyôgh ki waya u gbidyen za rumun, Karina maa pase un ityôkyaa i i hii ve un gbidi waya yô. Kwaghôron u or la a na vihi ga, nahan ve sôr ian ve ver ér shi vea va lam ke’ atô u ayange atar. Mser u yange hide sôr or la sha waya u gbidyen la maa peregh hingir Bibilo i henen, ve gba henen antakerada u i yer ér Kanyi Aôndo a Soo her Avese? la. Hii shighe la je tsô ve gba henen kwagh sha iember shi kwaghhenen la za ve kera kpaa, shi Karina tindi a ityakerada i nan kwase la mrumun sha mbampin nav kpaa.

• Orgen gbidye namba u waya u Bernarda sha mlan. Nahan un gema yar tom a iaven la sha u eren shiada he’ or shon. Nahan kpa u Bernarda yange ma vihi ishima yô, gema pase iyol na he’ or la e̱r un lu kwase u lun môm ke’ Mbashiada mba Yehova yô, shi kaa ér a̱ lu pe una wase un yô a kaa un. Iliam maa hii. Or la kpa kegh ato ungwa er anmgbian wase u kwase ne lu pasen er i lu Tartor u Aôndo ua va kar a ijirôron i sha mimi ga la kera nahan. Or la maa na Bernarda namba na u gbidyen waya, nahan a hide a sôr un sha waya u gbidyen. Shighe gen mba ngur lamen yô, anmgbian u kwase ne maa ôr or la anivur kwagh ke’ takerada u i yer ér Mfe u Una Va a Uma u Tsôron La. Nahan or la pine e̱r una er man una zua a ú yô. Nahan Bernarda tindi or la a takerada shon kua Bibilo kpaa. Nahan i sôr ian sha u anmgbian ugenegh u he’ ijiir la a̱ za sôron un yô. Anmgbian ne maa za hemen u “urun” “ankon” u lu vesen ne “mngerem.”

Een, he’ ikpoghonya i ke’ jijingi i tar ungun ne kpa, isham i i yer shin inya la ngi keghen m-mende shighe u mngerem ma nán uma ma mimi ma a ar a í yô. Ior udubu imôngo mbà imura i ker ve yô, mba zan hemen u “menden” shi “kparen,” hingir mbatomov mba jighjigh mba Yehova Aôndo.—Yesaia 44:3, 4.