Bem u sha Tar Cii La—Una Va Nena?

BEM u sha tar cii la mgbôghomôô? Ior kpishi yange ve hen nahan, kpa hegen ahon nga ve ishima. Sha kwagh u ibaver i yange i̱ time sha mbamtaver mba mlu u ke’ hemen, i̱ yange í due a mi ke’ pipaabaver i shin kpentar u South Africa i̱ í yer ér Daily Mail & Guardian la i ôr yô, “mbaahaba mba yange i ker ke’ anyom 10 a a kar ica kpa i̱ lu a gba ga, í tsengaôron kwagh u mlu u he u sha tar cii la hegen due gbilin dang je.”

Mbangeren ibaver la gbidye kwar sha ishimaveren i yange i̱ dumbur ke’ pueanyom u a sember karen la. Ityav mbi sha Kume u Tan yange mbi sember been, shi ayôôso kera lu hen atô u ityar i hemban cii la ga. Sha shighe u yange lu inja er mba sôôn nyôron ke’ mlu u he la, ior kpishi lu a ishimaveren ér orumace una hii u zuan a mzehemen ke’ iniôngon i nôngon been a ibanave man angev man akaa a vihin ikyasen la kpaa. Kpa ibaver la kaa nahan ér, “ishimaveren la cii ka hegen inja er yange lu mnyamciem ma gbilinigh nahan. I hii inium nôngon igen sha ajiir a yange se fa ser zayol ngu ga la; ibanave ngi hemban samber a samber sha tar cii. Ityahav mbi lun a ikyáv mbi numuv mbi mbia fatyô u timin tar cii hingir hegen ihiar. Mzough u Ityar Cii kpa kera fa ngun a iti i dedoo ga, sha ci u atsan a yan a orumace kpishi a á kan shio u sôron la. Mnyam kera ma cier ior a tar u doon ke’ hemen ga, kpa gema mba nengen a tar u yan ican tsung la tseegh ke’ ishima.”

Mba ve henen Bibilo yô ve kav ér iniôngon i orumace ia doo nan nan kpa, mayange kwagh u injaa una fatyô u van ker kpishi ga. Sha ci u nyi? Ityôkyaa yô, er Bibilo i kaa nahan, “tar cii ngu sha ikev i Orbo.” (1 Yohane 5:19) A fatyô u hiden a tar sha mlu u Paradiso u Aôndo yange gba ú ér u̱ lu la hegen u̱ ú lu sha ikyev i Satan her ne ga.

Nahan kpa, ityôkyaa ngi i lun a ishimaveren. Yehova Aôndo tôndo zwa u̱ van a bem sha tar cii, á lu sha u loughon a lough tar ungun ne ga, kpa á lu sha u hiden van a “tar u he” ú “perapera una tema ker yô.” (2 Peteru 3:13) Een, a gema tar cii sha ikyev i Tartor u Aôndo, ua hingir iyaagh ki lun bem bem, saan saan, he’ ape uma man tom ua lu kwagh u zeren van a iember he’ orumace u ungwan tindi gbem yô. Heela tseegh ga, Aôndo er ityendezwa ér una “ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga.” I har uityendezwa mban sha mbaahaba mba orumace mba i henen a hen la ga. Kpa, ka sha Mkaanem ma bunden ga ma Orgbanakaa u a eren aie ga la, i har uityendezwa mba shon shami ye.—Mpase 21:4; Titu 1:2.