Iyange I Í Gbe u A Umbur Yô

KA iyange i nyi a lu umburu? Ka iyange i̱ a lu eren mkombo u umbur ku u or u a kpe anyom a kar hegen i kom er 2000 nahan yô. Or shon yange ôr kwagh kaa wener: ‘M na uma Wam, sha u Me shi Me ngohol un kpaa yô. Ma or kpaa nan ngu ngohol Mo un ga, kpa ka Mo iyol Yam je M lu nan un ye.’ (Yohane 10:17, 18) Or shon yô, ka Yesu Kristu.

Yesu wa mbadondon nav tindi ér ve eren mkombo u umbur u ku na u un kpe, un ne naagh a uma na sha ci wase la. Mba yer M-umbur ne kpaa ér, “Kwaghyan u Ter u Aikighe” shin “Kwaghyan u Ter.” (1 Mbakorinte 11:20) Mbashiada mba Yehova man ahuraior a ve vea lu eren M-umbur u ku u Yesu wa tindi ér i eren la sha iyange i Tomanyiin, Maaci 24, 2005 shighe u iyange ia mire yô.

A na kwaghôron u a har sha Bibilo hen M-Umbur ne, kwaghôron shon una pase inja i bredi u a lu a kwa sha mi ga man wain u nyian u a lu eren mkombo ne a mi la. (Mateu 26:26–28) Shi kwaghôron shon una ta iwanger sha mbampin mban: Ka acin a me i gbe u Mbakristu vea eren M-umbur nee? Ka unô jim i gbe u vea ya bredi shi vea ma wain u a lu ikyav laa? Ka unô ve zough a mtsera sha ku u Yesu la? M-umbur ne una wase hanma or nana kav er uma u Yesu man ku na la u lu a inja yô.

We kpaa mba lôhôn we ér ú va M-umbur u ku u Yesu ne. Nahan pine Mbashiada mba Yehova mba hen ningir wou la ve ôrou ijiir man shighe u mkombo ne jighilii.