I Ter Iti I Aôndo Ken Icam I Ken Zwa Russia

KEN inyom i 1877 la, or u ken tar u Russia u dughun atsam, u a ze iti yô, mba yer un ér Modest Mussorgsky nger icam igen sha kwagh u ngise er ken ityar i í er kwagh u i ken Bibilo la. Yange nger ijende na igen washika wener, “M nger icam sha kwagh u i Bibilo i er yô. Iti i icam ne ér Jesus Navinus [Yosua]. I har sha kwagh u Bibilo i er yô. I ôr kwagh u Yosua u yange hemba akur a ken tar u Kanaan ityav la.” Atsam agen a Mussorgsky yange dugh la kpa ôr kwagh u ior mba ken Bibilo, er i í yer ér “Mtim u Senakeribi” la nahan.

Kwagh u doon yô, Mussorgsky ter iti i Aôndo ken icam na i “Jesus Navinus” la man i yange dugh ken inyom i 1874, i yer í ér “Mtim u Senakeribi” la kpaa. A yila iti ne sha myer u ken zwa Russia la. I nger iti i Aôndo ne ken Ruamabera u ken Zwa Heberu la sha asangaabaacaa anyiin a lun a ikyenge shio—יהוה (YHWH)—man iti ne ngi ken Ruamabera ne je zulum kwa 7,000.

Nahan yô, atsam a Mussorgsky yange dugh ne tese ér ior i Russia yange ve fa iti i Aôndo i i yer ér Yehova la cii man mhii u derianyom u sha ikyundu la ye. Kwagh ne doo, gadia Yehova iyol na kaa a Mose ér: “Ingin ka iti Yam gbem sha won je ne, ka sha i je á umbur Mo sha ikyov ikyov ye.”—Ekesodu 3:15.

[Picture on page 32]

Makeranta u Henen Atsam u ken gar u St. Petersburg ken inyom i 1913 la. Ka heen i koso icam i Mussorgsky la ye

[Picture Credit Line on page 32]

Atsam a i nger sha ikyatakerada yô: Scientific Music Library (Ijiir i Henen Atsam) i Makeranta u Henen Atsam u Kpentar u Saint-Petersburg la, mba yer i sha iti i N.A. Rimsky-Korsakov; gbenda: Iyou i Vesen i Koson Ityakerada i tar u Russia, i ken gar u St. Petersburg