Tar u Mbaperapera Vea Tema Ker La

Bibilo kaa ér shighe u a tim tar ne kera la, “iferor á kera lu ga.” Shi i kaa ér: “Mbaperapera vea tema sha tar, man mbananjighjigh kpaa vea tema sha u gbem.” (Ps. 37:10, 11; Anz. 2:20-22) Nahan a sôr tar ne, a tim mbaaferev cii kera kua mba ve vende atesen a wang a Orgban se la cii. Nahan mba Aôndo a doo ve ishima mbara vea gema tar cii ua hingir vough er paradiso u Aôndo yange ver uumace mba hiihii mbara ker la nahan.—Gen. 2:7-9.

Nenge er a saan iyol kpishi u lun ken tar u he u a sôr u ua hingir paradiso u doonashe la yô. Ior ubiliôn imôngo mba a nder ve shin ku la kpa vea lu ken paradiso la. Nahan yô, i saan we iyol sha uityendezwa mba Aôndo a er ne, a kaa ér: “Mbaperapera vea ya dyako u tar, vea lu ken u gbem.” “[Aôndo] una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.”—Ps. 37:29; Mpa. 21:3, 4.