Ú Umbur Kpa?

U ôr Iyoukura mba i sember gberen la nahan ve doo u kpa? Nenge ase aluer u fatyô u nan mlumun sha mbampin mban yô:

• Aôndo soo ér u lu ornyar sha nyi gbenda?

Aôndo yange na mbagenev inyaregh kpishi, er Aberaham man Solomon nahan. Kpa inyaregh ki kwagh a hembe gban Mbakristu a mi, shi Aôndo kpa a ne la yô, ka jighjigh u nan man bem man mkom kua msaanyol.​​—⁠10/⁠1, peeji 3-7.

• Se hen nyi sha myem u Yesu yima Peteru shighe u lu miren shin mnger laa? (Mat. 14:​28-31)

Er Yesu naregh uwegh nagh wase Peteru nahan, se yô se fatyô u wasen ma anmgbian u i gbe u nana seer lun a jighjigh u nan kpa?​​—⁠9/⁠15, peeji 8.

• Myom wase la yange va Yehova a ican nena?

Yehova yange wa ishima zum u í er wan na ican shi i laha un la. Man er Aberaham yange lumun u nan nagh sha wan na ve gba u una wa ishima nahan, kape Yehova kpa yange wa ishima shighe u i wua Wan na er ka iferor je la.​​—⁠9/⁠15, peeji 28-29.

• Anzaakaa 24:27 tese se nyi sha kwagh u or ‘maan ya u nana’?

Gba u or u nan soo u vôson kwase yô nana wa iyol u kuren tom u u lu ken ivese la. Kwagh ne wa tom u nengen sha ugbayol mba tsombor mba sha iyol man u hemen tsombor sha akaa a ken jijingi la kpa ker.​​—⁠10/⁠15, peeji 12.

• Yehova man Yesu ver se ikyav i ieren i dedoo nena?

Er Yehova a lu sha ian i vesen nahan kpa, eren a uumace doo doo man sha icivir kpaa. Yehova yange yar tom a ishember i ken zwa Heberu igen, i ashighe kpishi ka i gema i ér, “wea lumun yô” la shighe u lu lamen a Aberaham man Mose yô. (Gen. 13:14; Eks. 4:⁠6). Shi Aôndo keghen ato a uumace. (Gen. 18:​23-32) Yesu kpa keghen a kegh iyol shi saren un u eren a mba ve lu a na imôngo la cii doo doo, je yô ashighe kpishi a yila ve sha ati a ve.​​—⁠11/⁠15, peeji 25.