Ú Umbur Kpa?

Ú ôr Iyoukura mba i sember duen a mi la vighe vighe kpa? Yô, nenge ase wea fatyô u nan mlumun sha mbampin mban yô:

Ka sha nyi gbenda nahan ikyav i Solomon la i lu icintan hen a vese?

Aôndo yange eren tom a Tor Solomon shi ver un doo doo kpaa. Nahan kpa, shighe u Solomon lu tor la, a undu kwaghwan u Aôndo. Yange vôso wan u Farao, u lu kwase u fan Aôndo ga yô, shi vôso kasev kpishi, shi de kasev mbafanaôndoga ga mban mee un kure kure va hingir u civir mbaaôndo mba aiev. Gba u se wa ikyo sha er se va hingir u lun a mbamhen shin asaren a kpeegh kure kure ga yô. (Dut. 7:1-4; 17:17; 1 Utor 11:4-8)—12/15, peeji 10-12.

Ka nyi i tese ér, hii sha derianyom u hiihii la je, ma shighe môm kpa Mbakristu mba mimi mba i shigh ve mkurem la bee shin tar ga?

Ken injakwagh i Yesu ôr sha kwagh u “uwua” man “ivor i bo” la, “ivor i dedoo” la tile sha ityough ki “ônov mba tartor.” (Mat. 13:24-30, 38) Yange lu u uwua ua vese vea ivor i bo la imôngo zan zan shighe u sundan. Sha nahan yô, shin er se fatyô u pasen mba ve lu ken nongo u uwua la jighilii ga nahan kpa, se na jighjigh ser, mbagenev ken nongo ne yange ve bee shin tar shighe môm ga zan zan sha shighe wase ne.—1/15, peeji 7.

Se er nan ve se dugh isharen i gban mbagenev iyuhwe la ken avese kera?

Ka akaa a se er je a dondo heen ne: Anmgbianev ve doo u ishima shi kohol a mba civir Aôndo imôngo shi ker igbenda i eren a ior dedoo shi ‘ember a mba ve ember la imôngo.’ (Rom. 12:15)—2/15, peeji 16-17.

Shighe u ú lu wan or kwagh yô, ka atindiakaa a nyi i doo u ú umburuu?

Fa kwagh u a lu zayol la tsembelee. Palegh u ôron kwagh gaegh. Dondo Mkaanem ma Aôndo a iyol i hiden ijime. A gba a doo yô, nenge ken ityakerada yase. Palegh u tsuan akaa sha ci u mbagenev.—3/15, peeji 7-9.