Ú Umbur Kpa?

Ú ôr Iyoukura mba i sember duen a mi la vighe vighe kpa? Yô, nenge ase wea fatyô u nan mlumun sha mbampin mban yô:

Lu ice i Semson la yange na un agee yee?

Yange lu ice i Semson la na un agee ga. Ice la yange i tile sha ityough ki ikyar i a ya vea Yehova kôôsôô sha ci u ngu Ornasari la. Kpa Delila yange ne, mba hondon ice na la kera yô, ikyar i a ya vea Yehova la maa vihi.—4/15, peeji 9.

Aluer se tôô ishima yase i kpôô kpôô la se kar sha ishima yase i sha injakwagh la yô, ka akaa atar a nyi aa wase a ishima yase i sha injakwagh laa?

(1) Kwaghyan. Er ka i gba u se yaan kwaghyan u dedoo hanma shighe sha er ishima yase ia lu gbang gbang nahan, kape i gbe u se yaan kwaghyan u ken jijingi u dedoo je la. (2) Iyolkaren. Aluer se mba eren tom u pasen kwagh la sha gbashima yô, ishima yase i sha injakwagh la ia lu gbang gbang. (3) Ijiir i se lu her la. Se fatyô u panden mtumeyol sha u zan mbamkombo vea mba nan jighjigh a vese, mba ve we se ikyo la imôngo.—4/15, peeji 16.

Shighe u or môm ken ivese nan kera er kwagh a orgen la sha mimi ga yô, ne er nan ve ne hide ne na ayol a en jighjighi?

Doo u vea (1) eren kwagh a ayol a ve sha mimi; (2) eren kwagh ken ijoughave; (3) de aeren a ve a tse la; shi vea (4) fa shighe u vea hungur a zayol ve la, vea hide a sôr zayol shon yô.—7/1, peeji 18-21.

Shighe u i lu nan kwaghôron u kuugh yô, doo u a ôr mkaanem ma ken Pasalmi 116:15 man sha or u nan saa ku la ga sha ci u nyi?

Ivur la kaa ér: “Sha ishigh ki TER yô, ku u uicighan Nav ka kwagh u injaa kpishi.” Mkaanem man tese ér Aôndo nenge ér ku u mbacivir un sha jighjigh jimin cii la vihin un tsung, nahan una de ér ve cii ve kpe ga. Una de ér i tim mbacivir un sha mimi jimin cii shin tar ne kera ga.—5/15, peeji 22.

Ka unô yange ve lu colporteur?

Cii man inyom i 1931 yô, yange i yilan upania ér “colporteur.”—5/15, peeji 31.

Ka unô ve lu “ityartor igen ne cii,” i í er kwagh u i ken Daniel 2:44 laa?

Kwaghôron u profeti ne ôr kwagh u ityartor shin ugomoti mba i tese ve ken avegher kposo kposo a zegeuee u Daniel yange pase inja i mbu la.—6/15, peeji 17.

Ka hanma shighe Tahav mbu Tar cii mbu Amerika vea Ingila la yange mbu hingir tahav mbu tar cii mbu sha utaankaruhar mbu Bibilo tsengaôron kwagh u mbu laa?

Tartor u sha utaankaruhar la hii u lun sha shighe u tar u Ingila man Amerika er kwagh imôngo sha gbenda u vesen, zum u i lu nôngon Ityav Mbi Tar Cii Mbi Hiihii la.—6/15, peeji 19.