Hen Kwagh Ken Mkaanem Ma Aôndo

Yesu Yange Hingir Tor Hanma Shighe?

Ngeren ne time sha mbampin mba alaghga u vanden pinen yô, shi a tese ape ú fatyô u zuan a mbamlumun sha mbampin mba shon ken Bibilo you yô. A doo Mbashiada mba Yehova kpishi u lamen sha mbamlumun mban vea we.

1. Lu Tartor u nyi i tôndo zwa ér a na Yesu?

Aôndo yange tôndo zwa ér orgen ken tsombor u Davidi nana tema sha ikyônough ki torough ki Aôndo gbem sha won. Or u ken tsombor u Davidi, u i tôndo zwa ér a na nan Tartor la lu Yesu, nahan ngu Tor u Tartor u Aôndo, ngu hemen sha hegen.—Ôr Pasalmi 89:4; Luka 1:32, 33.

Shighe u Davidi lu wanye la je, Aôndo tsua un ér a lu tor sha ior nav, ka Iserael je la. Davidi yange kpen kera yô, Solomon, u Yehova tsua un la, kar tema tor sha “ikyônough ki torough ki TER.” (1 Kroniku 28:4, 5; 29:23) Solomon kpen yô, utor mbagenev kpishi hemen ken Yerusalem, kpa utor mban kpishi tile sha mimi ga. Ken masejime yô, Yehova de akumautya a Babilon va tim Yerusalem shi dugh tor u lu hemen Yerusalem la kera. Kwagh ne yange er ken inyom i 607 C.S.Y. (Cii man Shighe u Yesu) la. Hii shighe la je, or u ken tsombor u Davidi ugen môm kpa nan kera hemen Iserael ken gar u Yerusalem la ga zan zan nyian.—Ôr Esekiel 21:27.

2. Mtemtor u Davidi man gar u Yerusalem la yange kera tile sha ityough ki Tartor u Aôndo ga, kuma shighe nena?

Yange i tim gar u Yerusalem ica gba ga je maa, Yehova kaa a profeti Daniel ér Aôndo una ver tor sha, u nana hemen tar yô. Nana hii u hemen hanma shighee?—Ôr Daniel 7:13, 14.

Daniel yange pase kwagh u i tese un ken mpase u sha mnenge, u Aôndo na zwa ér i gber zegekon ugen kera la, vough er Aôndo yange na zwa ér i gber tartor u ken Yerusalem la kera, shi i tim u la nahan. Kpa lu u a de ikpughurkon la una lu shin inya her sha er ‘ashighe ataankarahar’ aa karen yô, una hide a ta tombo yô. Bibilo tese ér “ashighe” atar man vegher shighe la ka ayange 1,260. Sha nahan yô, ‘ashighe ataankarahar’ la ka ayange 2,520. (Mpase 12:6, 14) Ashighe kpishi kwaghôron u profeti u ken Bibilo ngu a tese ér iyange i môm tile sha ityough ki inyom i môm. (Numeri 14:34) Sha nahan yô, Tartor u Aôndo kera lu a tor u hemen u ga kuma anyom 2,520.—Ôr Daniel 4:10-17.

  3. Yesu yange hingir Tor hanma shighe?

Aôndo yange ver Yesu tor sha ken inyom i 1914, shighe u i tim Yerusalem anyom kar kuma 2,520 vough la. Kwagh u hiihii u Yesu er shighe u a tema tor yô, yange zenda Satan kua azôv a na sha Tartor u sha kera. (Mpase 12:7-10) Uumace nenge kwagh u er ne sha ashe kpôghôô ga, nahan kpa kwagh shon na yô, kwagh gema tser uumace tar sha won cii. (Mpase 12:12) Hii ken inyom i 1914 la je, akaa aa a lu zan hemen la tese ér Yesu yange hingir Tor ken inyom la.—Ôr Mateu 24:14; Luka 21:10, 11, 31.

4. Hemen u Yesu la ngu u a inja nena?

Mkur u akaaôron a profeti a sha kwagh u hemen u Yesu la tese ér u fatyô u suur sha Mkaanem ma Aôndo. Ica ia kera gba ga tsô, Yesu una bee a ican i yan i uumace ve lu yan la cii sha tahav mbu torough nagh mbura.—Ôr Pasalmi 72:8, 12, 13; Daniel 2:44.

Wea soo u seer zuan a iwanger yô, ôr takerada u Bibilo Tese Ér Nyi Jimi?, u i tese foto u ú heen ne, peeji 215-218, ka Mbashiada mba Yehova ve gber u ye.

[Ngeren u caghen a cagh u sha peeji 19 la]

(U soo u ôron ngeren ne cii yô, nenge takerada u)

Oktoba Oktoba

607 C.S.Y. (Cii man Shighe u Yesu) 1914

← Anyom 2,520 →

1000 C.S.Y. 1 C.S.Y. Inyom i sha 1, Shighe u Yesu la Inyom i 1000 la Inyom i 2000 la

← Anyom 606.25 →← Anyom 1,913.75 →

I tim tartor u Er ayenge ne sha kakuletô wou: Aôndo na

ken Yerusalem la 606.25 Yesu tor kua

+ 1,913.75 tahav sha

= 2,520 akuraior