Mbampin mba Bibilo I Ne Mlumun sha Mi La
Se fatyô u fan mimi sha kwagh u Aôndo?
Er nan Aôndo a soo ér se fa mimi? ôr Yohane 17:3
Aôndo yange lam a uumace. Yange wa mkaanem ken asema a ior mba ve nger Bibilo la sha icighan jijingi na, shin tahav nav mbu tomov. (2 Peteru 1:20, 21) Se fatyô u fan mimi sha kwagh u Aôndo sha u ôron Bibilo.—Ôr Yohane 17:17; 2 Timoteu 3:16.
Aôndo pase se akaa kpishi sha kwagh na ken Bibilo. A pase se er i hii ve un gbe uumace yô, man kwagh u una va er sha ci u uumace la kua kwagh u a soo ér se er la kpaa. (Aerenakaa 17:24-27) Yehova soo ér se fa mimi sha kwagh na.—Ôr 1 Timoteu 2:3, 4.
Aôndo lumun ior mba ve soo mimi la sha ci u nyi?
Yehova ka Aôndo u mimi, shi yange tindi Wan na Yesu ér a va tese uumace mimi. Sha nahan yô, mba mimi a doo ve ishima la ve soo kwagh u Yesu. (Yohane 18:37) Aôndo soo ér ambaior la a lu mbacivir un.—Ôr Yohane 4:23, 24.
Satan Diabolo yange ior kpishi u fan Aôndo sha u samber a atesen a aiegh sha kwagh u Aôndo. (2 Mbakorinte 4:3, 4) Ior mba kwagh u mimi a doo ve ishima ga yô, ka ve lumun a atesen a aiegh la. (Mbaromanu 1:25) Kpa mbaasemaamimi umilliôn imôngo mba fan mimi sha kwagh u Aôndo sha u henen Bibilo.—Ôr Aerenakaa 17:11.
Kwagh Ugen u Alaghga Shi Una Doo U Yô
KWAGH WASE
Doo u Ú Hen Bibilo sha ci u Nyi?
Bibilo ngi tan ior umiliôn umiliôn sha tar cii iwanger sha akaa a hange hange a a tsum ve la. We kpa u soo u zuan a iwanger shonoo?
THE BIBLE—WHAT IS ITS MESSAGE?
Why Examine the Bible?
Consider some helpful facts about the Bible, the world’s most popular book.
