LU A IEREN I ORKRISTU
Er Se Seer Fan Igbenda i Pasen Kwagh Yô—Er u Er Akaa sha Ijiir Yase i JW.ORG la Yô
ER I HII VE I LU HANGE HANGE YÔ: Hanma takerada u u lu ken Akaa a Se Eren Tom a Mi u Tesen Ior Bibilo Yô la, ka u ter kwagh u ijiir i jw.org la. Jighilii yô, awashima u kaade u jw.org la man trak u Ka Han Se Zua a Iwanger sha Akaa a Vesen a A Tsum Se ken Uma Laa? la yô, ka u i er tom a ve u tesen ior ijiir yase i sha Intanet la. U fatyô u nan or môm ken ityakerada yase i i lu ken Akaa a Se Eren Tom a Mi u Tesen Ior Bibilo Yô la, sha u eren tom a jw.org u tindin nan a kôpi sha Intanet shin tindin nan a adereshi u nana za danlood her yô. Kwagh ne ka a hemba lun a iwasen shighe u u lu pasen or u nan lamen zwa ugen kwagh yô. Shi kwagh ugen yô, alaghga ior vea pine mbampin mba i ne mlumun sha mi ken ityakerada i i lu ken Akaa a Se Eren Tom a Mi u Tesen Ior Bibilo Yô la ga yô. Aluer se fa u eren akaa sha ijiir yase i sha Intanet la yô, se hemba fan u pasen kwagh tsema tsema.
ER U ER KWAGH NE YÔ:
-
Er tom a ijiir i i nger ér “ATESEN A BIBILO” la. Alaghga u ngu pasen ormaren u nan soo u seer fan er nana yese mbayev yô kwagh. Za ape i nger ér ATESEN A BIBILO > NOOV MAN KASEV MAN MBAMAREN la.
-
Er tom a ijiir i i nger ér “ITYAKERADA” la. Alaghga u ngu pasen kwagh shighe u ian i dugh yô ken makeranta, maa u soo u lamen a wanye u ne lu kelase môm yô ken antakerada u Mbamlumun sha Mbampin 10 mba Agumaior a Pinen Yô la. Za ape i nger ér ITYAKERADA > ITYAKERADA & ANTYAKERADAV la.
-
Er tom a ijiir i i nger ér “KWAGH WASE” la. Alaghga u ngu pasen or u ne eren tom ijiir i môm yô kwagh, u nan soo u ôron akaa a se ne jighjigh a mi la kpase yô. Za ape i nger ér KWAGH WASE > MBAMPIN MBA IOR VE PIN HANMA SHIGHE LA.
NENGE VIDIO I ER U ER AKAA SHA IJIIR YASE I JW.ORG LA YÔ, NAHAN FA APE U ZA SHA IJIIR YASE I SHA INTANET LA VE U WASE:
-
or u nan ne jighjigh ér Aôndo ngu ga yô
-
or u kwagh u vihin tsung a sember eren nan yô
-
anmgbian u nomso shin u kwase u nan de u civir Yehova sha gbashima yô
-
or u u hidi u za sôron nan, u nan henen ape ka se zua a inyaregh ki se eren tom wase yô
-
or u nan lu ken tar ugen, u nan soo u zan mkombo ken tar u nan yô
