PASEN KWAGH SHA GBASHIMA
Angwe u Lôhôn Ior Mkohol u Vesen
Hanma inyom yô, ior ka ve veren ashe a kwaghyan u ken jijingi u ka se za zua a mi sha mbamkohol asev mba vesen la. Sha nahan yô, gba u se lôhô ior er se fetyô la cii sha er mbagenev kpa vea va bende a nenge er Yehova a doo yô. (Ps 34:8) Gba u hanma mzough u mbatamen una nenge gbenda u u hembe doon u vea kar vea er tom a kwatakerada u lôhôn ior mkohol la tsembelee yô.
AKAA A I GBE U SE UMBUR YÔ
-
Ka hanma shighe a lu eren mkohol wama?
-
Ka hanma shighe a lu hiin u yôôn angwe ne hen ijiir yama?
-
Ka hanma shighe a lu eren mkombo mba duen kwaghpasen hen tiônnongo wama?
-
Ka akaa a nyi m we ishima u eren shighe u a lu yôôn angwe nee?
-
Ka unô m lu wan ishima u lôhôn ve?
KWAGH U U FATYÔ U ÔRON YÔ?
U sughun or yô, u fatyô u kaan wer:
“Se mba nan ior kwatakerada u lôhôn ve mkombo injaa ugen u i lu yôôn angwe na sha tar cii yô. I nger iyange man shighe kua ijiir i a lu eren mkombo ne la sha kwatakerada ne. Aluer u va mkohol ne yô, a doo se kpishi.”
U ER NAN VE U NA OR A SEER LUN A ISHARENEE?
Er se soo ser se nôngo se lôhô ior kpishi mkohol ne nahan shi gba u se wa ikyo sha er aluer or ngu a isharen yô, se fa yô.
Aluer se mba nan ior kwatakerada u lôhôn ve mkohol ne sha iyange i Sati shin Lahadi yô, se fatyô u nan ve magazin kpaa.