AKAAINJAA A KEN MKAANEM MA AÔNDO | YOBU 16-20

Sur shi Taver Mbagenev Ishima sha Kwaghôron u Kundu Kundu

KUHWA

Zum u u lu wan ior kwagh yô, mkaanem ou ma lu ma taver ve ishima

16:4, 5

Yobu yange ure shi ya ican ken ishima tsung, nahan gba u mbagenev vea taver un ishima
Akar a Yobu a atar la ôr kwagh môm u taver un ishima ga. Ve wa un kwagh iyol, ve gema ve na ishima seer vihin un

19:2, 25

Yobu yange vaa a Aôndo, sôn un ér A de una mem, a lu ku je kpaa una kpe
Yobu yange ver ishima na sha ishimaveren i mnder u shin ku la, nahan za hemen u tilen sha mimi

Elifasa:

Alaghga tsô lu or u ken gar u Teman, ken tar u Edom. I ôr kwagh u gar u Teman ken Yeremia 49:7 ér, ka ityungu i kwaghfan i Mbaedom
Er alaghga Elifasa lu tamen a akar a Yobu agen la shi mlu na hemba u ve mba ve senge ér ve va u surun Yobu ishima la cii yô, lu un hii lamen ye. Yange ôr kwagh kwa tar shi akaaôron a na hemba lihen a ior mba uhar mbagen mbara

Akaa a a wa Yobu iyol la:

Yange puu mtil sha mimi u Yobu la, shi kaa ér Aôndo na mbacivir un jighjigh ga (Yob 4, 5)
A kaa ér Yobu ka or u hagher sha akaa shi ka iferor, cie Aôndo ga (Yob 15)
A kaa ér Yobu ngu or u wan hua shi eren kwagh sha mimi ga, shi kaa ér or gba kwagh sha ishigh ki Aôndo ga (Yob 22)

Bildadi:

Lu or u ken tsombor u Shua. Alaghga lu vegher u ifi u Uferati la
Yange lu or u sha uhar u lamen. A ôr kwagh kwa tar, akaaôron a na lu a tiônôô shi hemba nyoon a akaaôron a Elifasa la

Akaa a a wa Yobu iyol la:

A kaa ér ônov mba Yobu er kwaghbo nahan kwagh u er ve la kuma injar ve vough shi a kaa er Yobu iyol na kpa ka or Aôndo ga (Yob 8)
A kaa ér Yobu ka orsholibo (Yob 18)
Kaa ér jighjigh u uumace cii ka gbilin kwagh (Yob 25)

Sofar:

Lu Ornaamati, man a shi nan kpa, lu ken vegher u Arabia ugen la
Lu or u sha utar u lamen shi hemba lamen vihin cii. Yange ôr kwagh kwa har tseegh

Akaa a a wa Yobu iyol la:

A kaa ér ka imanger Yobu a lu lamen ye shi gba u una de aeren a na a ifer la (Yob 11)
A kaa ér Yobu ka iferor shi isholibo doon un ishima (Yob 20)

UMA WASE U MBAKRISTU MAN TOM WASE ANTAKEDA U MKOMBO

Tiv

Sur shi Taver Mbagenev Ishima sha Kwaghôron u Kundu Kundu

https://cms-imgp.jw-cdn.org/img/p/202016123/univ/art/202016123_univ_sqr_xl.jpg