3:1-5

Er nan ve ishima vihi Yesu ker kpishi sha ieren i mbahemenev mba kwaghaôndo u Mbayuda la? Yange ve na Iyange i Memen hingir ior ikyav, sha ci u ve seer atindi a kiriki kpishi sha kwagh u iyange shon. Ikyav i tesen yô, ve venda ér inyarev tsô kpa, or a de woo ga. Tindi yange lumun ér i bee or angev shighe u uma a lu sha zongo tseegh. Inja na yô, aluer or sombo shin nan ndivir kpa, a sôr nan sha Iyange i Memen ga. Kwagh ne tese wang ér, kwagh yange gba mbahemenev mba kwaghaôndo sha kwagh u or u kpe uwegh la ga.