Yakob yange nôngo wav a ortyom ugen sha ci u una zua a kwagh u a gbe kwagh tsung yô, ka iveren i Yehova je la. (Ge 32:24-31; Ho 12:3, 4) Se di ye? Se kegh iyol u nôngon kwagh sha gbashima u ungwan imo i Yehova, nahan zuan a iveren na kpa? Ikyav i tesen yô, aluer va gba u se tsua u zan ma mkombo u tiônnongo man u seer eren tom u uke ahwa kpuaa nahan, ka nyi se tsua? Aluer se mba nan Yehova shighe wase man agee a ase kua akaa a ase a hemban doon cii la yô, una haa se “iveren, je ia neer á haa inya.” (Mal 3:10) Una hemen se shi una kura se shi una nenge sha ugbayol asev.—Mt 6:33; Heb 13:5.

NENGE VIDIO I ZA HEMEN U VEREN ISHIMA SHA AKAA A KEN JIJINGI LA, MAA NA MLUMUN SHA MBAMPIN MBA VE DONDO NE:

• I kar anmgbian u kwase la sha kwagh u a doo un ishima la nena?

• Tom u se eren la ua fatyô u lun ikyaren hen a vese nena?

• Er Timoteu lu or u vian ken jijingi nahan kpa, yange gba u una za hemen u tsuan akaa a ken jijingi a una er la sha ci u nyi?—1Ti 4:16

• Se tese ‘tom u u lu se kwagh u hiihii’ la nena?