Yehova ka u sangen a sange ga. (Aer 10:34, 35) Lumun ior mba ken “hanma ikurior man hanma nongo man hanma nongoior man hanma zwa kpaa.” (Mp 7:9) Sha nahan yô, cuku kpa doo u ieren i nyaghen mbagenev shin sangen a sange sha dooshima la ia lu ken tiônnongo u Kristu ga. (Yak 2:1-4) Se wuese kpishi er Yehova a tesen se yô, sha ci u ityesen la na yô, se mba ken paradiso u ken jijingi, ape se nenge ior ve gem aeren shin anza ve yô. (Yes 11:6-9) Er se lu nôngon kpoghuloo ser se dugh hanma ieren i nyaghen mbagenev la ken avese kera yô, se mba tesen ser se mba mbakaven Aôndo.—Ef 5:1, 2.

• Er nan ve ityesen i Yehova i hembe iniôngon i uumace ve lu nôngon ér vea bee a ieren i sangen a sange sha dooshima kua ieren i nyaghen mbagenev laa?

• Ka nyi i doo u tsung sha kwagh u mzough wase u anmgbianev u sha tar cii laa?

• Se Mbakristu ka sea lu ken mzough nahan, kwagh la ngu a va Yehova a icivir nena?