Cii man i va mar Yesu yô, Yesaia yange tsengaôron anyom uderi imôngo nahan ér, Mesiya una pase kwagh hen ningir u “yande Yordan, veghertar u [Galilia u] akuraior” la. Yesu yange kure kwaghôron u profeti ne er zende hen haregh u Galilia cii, lu pasen loho u dedoo shi tesen ior la.—Yes 9:1, 2.

• Yange er ivande na i hiihii —Yoh 2:1-11 (Kana)

• Tsua mbaapostoli nav —Mr 3:13, 14 (ikyua a Kapernahum)

• Tese sha Uwo —Mt 5:1–7:27 (ikyua a Kapernahum)

• Nder wan u kwasecôghol ugen, u lu wan na u môm môm yô—Lu 7:11-17 (Nain)

• Ande hen mbahenen mba kuman er 500 nahan shighe u nder shin kua la—1Kor 15:6 (Galilia)