Ikyav i Yesaia i keghen a kegh iyol u eren kwagh la kuma i se dondo. Yange tese jighjigh u nan shi er nenge ér ian bugh yô, fese je kegh a kegh iyol u eren kwagh, shin er fa hanma kwagh u tom la vindi vindi ga nahan kpaa. (Yes 6:8) U fatyô u sôron akaa a ou sha er u za er tom ape kwagh a hembe gban sha mbapasenkwagh u Tartor kpa? (Ps 110:3) Ka hange hange u ú ‘tema u vande ôron inyaregh’ cii ve u yem ye. (Lu 14:27, 28) Nahan kpa, kegh iyol u den wer akaa a saa u sha ci u tom u kwaghpasen. (Mt 8:20; Mr 10:28-30) Er i tese ken vidio i U Za Eren Tom Ape Kwagh a Hembe Gban sha Mbapasenkwagh La, nahan averen a ka se zua a mi ken tom u Yehova la nga hemba hanma kwagh u se de ser a saa shin a kar se la cii.

• Ka akaa a nyi mba hen tsombor u Williams yange ve de er a kar ve sha er vea za er tom ken tar u Ecuador?

• Ka akaa a nyi nahan yange ve gbidye kwar sha mi shighe u ve lu tsuan ape vea za er tom laa?

• Ka averen a nyi yange ve zua a mini?

• Ka han u seer zuan kwaghwan sha kwagh u za eren tom ape kwagh a hembe gban sha mbapasenkwagha?

• Se er nan ve tsombor wase ua seer eren tom u pasen kwagha? (km 11/11 5-7)

• Aluer ka u se fatyô u zan ape kwagh a hemba gban sha mbapasenkwagh ga yô, ka sha igbenda i nyi nahan se fatyô wasen tiônnongo wase? (w16.03 3-5)