ER I HII VE I LU HANGE HANGE YÔ: Gba hange hange u ior vea hen atindiakaa a Yehova shi vea dondon a sha er vea civir un sha gbenda u a lumun a mi yô. (Yes 2:3, 4) u ú lu takerada u sha uhar u ka se hen vea or la, ka u wase orhenen Bibilo la u kaven er akaawan a Aôndo a zough sha uma wase u ayange ayange yô. (Heb 5:14) Nahan doo u se nôngo se tese ve sha gbenda u a kôr ve ken ishima sha mimi nahan una mgbegha ve u geman mlu ve yô.—Ro 6:17.

ER SE ER KWAGH NE YÔ:

• Wa agoyol tsembelee, lu a kwagh u or u ú henen Bibilo a nan la ken ishima. Hen sha mbampin mba u pine nan ve nana pase er ishima i lu nan ker la kua er nan nenge kwaghhenen shon yô.—Anz 20:5; be 259

• Er tom a ngeren mbakiriki mba ve lu ken takerada la cii sha er u wase or u ú henen Bibilo a nan la nana nenge er i doo u dondon akaawan a Bibilo yô

• Wase or u ú henen Bibilo a nan la u henen sha akaa a i gbe u nana er tom a imoshima i nan la, de tsuan kwagh sha ci u nan ga.—Ga 6:5

• Nôngo fa aluer gba u ú wase or u ú henen Bibilo a nan la u fan er nana dondo akaawan a Bibilo agen yô, kpa er kwagh ne sha kwaghfan. Taver nan ishima wer mdoo u Yehova a doo nan ishima a mgbegha nan u geman mlu u nan.—Anz 27:11; Yoh 14:31