ER I HIII VE I LU HANGE HANGE YÔ: Mba i shigh ve mkurem man mba ve lu iyôngo igen la mba lôhôn ior cii ér ve va “ma mngerem ma uma gbilin.” (Mp 22:17) Mngerem ma sha injakwagh man tile sha ityough ki hanma kwagh u Yehova a er sha ci u yiman uumace mba ve ongo imo na la sha ikyev i isholibo man ku. Cii man se wase ior mba aeren a ityôô a ve a lu kposo kposo shi akaa a kwaghaôndo a ve ne jighjigh a mi la kpa a kaha la yô, a gba u se pase ve “loho u dedoo u tsôron” ne sha gbenda u a zua sha mlu ve asange asange yô.—Mp 14:6.

ER SE ER KWAGH NE YÔ:

• Tsua itinekwagh man ivur Bibilo i ia hemba kôron ior mba hen haregh wou ken ishima yô. U fatyô u tsuan ma ikyav i tesen er a lam a or yô, shin eren tom a ma gbenda u u vande pasen kwagh a mi u kôr ior ken ishima yô. Ka atineakaa man avur a nyi nga a hemba doon ioro? Ma kwagh ngu u i sember duen a mi ken abaver, u ior kpishi ve lu henen sha mi shin ve lu lamen sha mi yôô? Ka nyi ia hemba zuan sha mlu u nomsoor shin kwase?

• Shi dondo aeren a ityôô man igbenda i sughun ior, i ior kpishi ve fe hen ijiir you la.—2Ko 6:3, 4.

• Fa ityakerada man uvidio mba ve lu ken Akaa a Se Eren Tom a Mi u Tesen Ior Mimi Yô la tsembelee, sha er u er tom a mi shighe u or tese isharen yô

• Danlood akaa ken ijô i ior mba alaghga u zua a ve hen haregh wou yô

• Nyôôso itinekwagh you sha er ia zua sha mlu u orya yô. (1Ko 9:19-23) Ikyav i tesen yô, aluer u fa wer, or sember kpen orya nahan, u kaa a nan wer nyi?

NENGE VIDIO SHON, MAA NA MLUMUN SHA MBAMPIN MBA VE DONDO NE:

• Ka sha itinekwagh i nyi orpasenkwagh la a hii iliam a orya la sha mini?

• Ka nyi ashen i lu zan orya la iyolo?

• Ka ivur Bibilo i nyi ashen i hemba doon u eren tom a mi hen shighe ne, man ka sha ci u nyi?

• U nyôôso gbenda wou u pasen kwagh la, sha er ua zua sha mlu u ior mba hen haregh wou la nena?