Hii ken inyom i 2018 la je, i gema duen a itinekwagh i môm tseegh ken umagazin asev mba i gberen sha u nan ior ken won la. Umagazin mban cii mba ken Akaa a Se Eren Tom a Mi u Tesen Ior Mimi Yô la. Nahan se fatyô u eren tom a ve shighe u se dugh kwaghpasen yô. Shi se fatyô u tôôn ukôpi mba magazin mban kpuaa shighe u se lu zan zende shin se lu zan u za yamen akaa yô. Mba gberen umagazin mban sha u i henen Bibilo a mi a ior ga, kpa vea fatyô u nan a saa or u fan kwagh u Aôndo seer.

U hiin liam a or yô, ôr nan ivur Bibilo maa ter itinekwagh i ken magazin i ia doo or la u ungwan yô. Ikyav i tesen yô, aluer nan ngu yesen mbayev shin nan ngu zungwen sha ma kwagh u a er nan shin nan ure kpishi yô, u fatyô u kaan a nan wer: “M sember ôron ngeren u doon ugen sha zayol wou la. M tese u wee?” Aluer u nenge wer sar nan u ungwan seer yô, u fatyô u nan nan kôpi u magazin la, gayô tindin nan a kôpi u sha Intanet, aluer u hii zuan a nan ka sha kwa hiihii je kpaa. Er u nan ior magazin la i lu awashima wase u hiihii ga nahan kpa, umagazin mban vea fatyô u wasen se u zuan a ior mba ve kegh iyol u eren kwagh u ve lu henen la yô.—Aer 13:48.