U ngu anyom 23, shi u ngu a hemba anyom 65 ga, shi u ngu pania u keke? U ngu a gbon gbon iyol, shi u fatyô u za eren tom ape kwagh a hembe gban sha mbapasenkwagh yôô? Aluer u na mlumun wer een yô, i lu nahan u hen sha kwagh u wan uwegh shin foom u zan Makeranta u Mbapasen Ivangeli i Tartor la vee? Hii sha kelase u hiihii la je, noov man kasev kua anmgbianev mba nomso man mba kasev mba lun kwav udubu imôngo nger apelekeshen ér vea za makeranta ne. Nahan kpa, kwagh ngu seer gban se a anmgbianev mba nomso mba lun kwav. Sôn Yehova a wase u, u seer lun a isharen i eren ishima na shi kaven Wan na. (Ps 40:8; Mt 20:28; Heb 10:7) Maa hen sha igbenda i u fatyô u panden shighe wou u eren tom shin akaa a ou la, sha er u kuma u zan makeranta ne yô.

Ka aan a tom a nyi nahan ka a bugh sha ci u mba i tsaase ve ken makeranta u henen ityesen i Aôndo ne? Ka i tindi mba ve bee makeranta ne mbagenev sha ajiir a i lamen ijô igen yô, mbagen di i tindi ve ér ve za pasen kwagh ken igbar hen ugeri mba vesen. Mbagenev ka ve va hingir mbawasen mbatamen mba sôron atôônanongo tom, shin mbatamen mba sôron atôônanongo, gayô mbamishen. Er u lu henen sha kwagh u seer eren Yehova tom ne, lu a ieren i profeti Yesaia kpa lu a mi la, yange kaa ér: “Mo ne, tindim.”—Yes 6:8.

NENGE VIDIO I MBAMISHEN MBA VE LU EREN TOM U SUNDA YÔ LA, MAA NA MLUMUN SHA MBAMPIN MBA VE DONDO NE:

• Ka i tsua mba eren tom mishen nena?

• Ka tom u dedoo u nyi mbamishen ve erene?

• Ka averen a nyi mbamishen ka ve zua a mini?