Ka a dugh or ken tiônnongo kera yô, kwagh la a kura tiônnongo shi i lu tsaha hen orisholibo u nan venda u geman ishima la. (1Ko 5:6, 11) Ka sea sue tsaha u Yehova la yô, i tese ér a doo se ishima. Kwagh a fatyô u lun nahan zum u i dugh or ken tiônnongo kera, man i vihi hanma or ken ishima, kua mba hen tsombor u nan man kômatii u a ôr nan ijir la nena?

Kwagh u vesen yô, ka se tese ser Yehova doo se ishima kua tindi u a we ér se lu uicighanmbaiorov la. (1Pe 1:14-16) Shi ka se tese ser or u i dugh nan ken tiônnongo la kpa nan doo se ishima. Shin er ka a tsaha or taveraa ve i nyoon nan nahan kpa, tsaha la ka u “ume atam a perapera bem bem.” (Heb 12:5, 6, 11) Aluer se mba lun kôôsôô a or u i dugh nan ken tiônnongo, shin u nan undu nongo u Yehova la yô, se lu hendan a tsaha u Yehova a tsaha nan la. Umbur wer Yehova tsahan ior nav “akuma akuma.” (Yer 30:11) Er se lu dondon kwaghwan u Yehova sha kwagh u ior mba i dugh ve ken tiônnongo kera, shi zan hemen u eren akaa a ken jijingi la, ka se veren ishima ser or u i dugh nan la nana hide hen Ter wase u a zungwen mhôônom la.—Yes 1:16-18; 55:7.

NENGE VIDIO I TILE SHA MIMI A ISHIMA I MÔM LA, MAA NA MLUMUN SHA MBAMPIN MBA VE DONDO NE:

• Wanye ka nana undu Yehova nahan, i lu mbamaren mba ve lu Mbakristu la nena?

• Tiônnongo una wase mba hen tsombor, mba ve lu civir Yehova sha mimi la nena?

• Ka kwagh u i nger ken Bibilo u hana a tese er i lu hange hange u Yehova a hemba doon se ishima a mba hen tsombor wasa?

• Se tese ser Yehova hemba doon se ishima a mba hen tsombor wase nena?