Ityendezwa i Aôndo a er ken Yesaia ityough 65 i va geman akaa cii hingir a he la ka i mimi je yô, Yehova ôr kwagh u i inja ér ka kwagh u a lu eren zan a mi ave nahan.

65:17

Usha u he la ka nyi?

• Ka gomoti u he u una na a gema eren perapera sha tar yô

• Gomoti ne yange hii u hemen ken inyom i 1914 shighe u i ver Krsitu tor u Tartor u Aôndo la

Tar u he la ka nyi?

• Ka uumace mba ken akuraior man ijô kua iniongo kposo kposo mba ve lumun u wan ayol a ve sha ikyev i hemen u gomoti u he u Sha ne saan saan yô

Á kera umbur akaa a tsuaa la ga nena?

• Akaa a nga a na se umbur akaa a vihin se ishima la cii; a̱ lu a se nengen a mi shin a ken mhen shin a nga a na se ya ican ken ishima tsung la kpa, aa kera lu ga

• Uumace mba jighjigh vea ember uma je a gande ôron, shi hanma sev yô, ve zua a akaa a doon a vea umbur yô