Se soo u urun ivor i mimi i se lee la. (1Kor 3:6) Shighe u se zough a or man nan tese isharen yô, doo u se pine nan mpin u kwagen se hide se za ve, se lam a nan sha mi yô. Aluer se er nahan yô, se kende isharen i nan sha, shi tom ua pande shighe u se lu wan agoyol a za sôron nan la. U hiden u zaan yô, kaa a nan wer u va wer u va na mlumun sha mpin u yange u pine nan la.

• Shighe u u lu wan iyol i duen kwaghpasen u sha uya uya yô, wa iyol sha mpin u u pine or, nahan kwagen u za ve ne lam sha mi la kpaa. Alaghga a lu mpin u a lu ken takerada u u lu nan ken won yô. Gayô i lu mpin u i ne mlumun sha mi ken ma takerada u se henen Bibilo a ior ker, u u we ishima u henen kwagh a nan ker zum u u hide u za sôr nan kwagen yô.

• U nguren kuren iliam you a or u nan tese isharen yô, pase nan er i sar u u hiden va zan hemen a iliam yen la yô, maa pine nan mpin u u vande wan iyol sha mi la. Aluer gba sha mi yô, ngohol adereshi u nan.

• Aluer u tôndo zwa wer u hide u za sôr or shon yô, kure ityendezwa you la.—Mt 5:37.