Bibilo tsengaôron ér Satan una tôv se a ican, sha er una yange se u eren tom wase u kwaghpasen la yô. (Yoh 15:20; Mp 12:17) Se wase anmgbianev asev mba ken Kristu mba i lu tôvon ve a ican ken ityar igen la nena? Se fatyô u eren msen sha ci ve. “Msen u eren tsung u orperapera ngu a agee kpishi je.”—Yak 5:16.

Ka nyi nahan se er msen se sônô? Se fatyô sônon ser Yehova a na anmgbianev asev mbakasev man mbanomso ishimataver shi a wase ve ve de lu a mciem ga. (Yes 41:10-13) Shi se fatyô u eren msen sha ci u gomoti a de hendan a tom wase u kwaghpasen ne ga, “sha u se̱ tema bem bem, ayôôso a̱ de lu ga” yô.—1Ti 2:1, 2.

Mbakristu mba sha ayange a mbaapostoli la yange ve er msen ve ter Paulu and Peteru sha ati ati shighe u i lu tôvon ve a ican la. (Aer 12:5; Ro 15:30, 31) Aluer se fa ati a mba i lu tôvon ve a ican nyian la ga kpa, se fatyô u eren msen teren ati a tiônnongo shin tar ve gayô vegher tar u ve dugh her la