U soo u seer eren Yehova tom sha shighe u Umbur Ku u Yesu laa? (2Ko 5:14, 15) Mba ve lu eren ishuen pania la vea fatyô u nan ahwa 30 shin 50 ken uwer u Maaci man Aipor. Aluer ka u u fatyô u eren tom u injaa ne yô, nger apelekeshen wou na Kômatii u Nengen sha Tomshiren la. Hanma uwer yô, a yôô ati a mba i lumun ve u eren ishuen pania la ken tiônnongo. Sha nahan yô, mba ken tiônnongo cii vea fatyô u suen mba ve lu eren tom u pania la ken kwaghpasen. Yô, se cii se er nen tom a shighe u Umbur Ku u Yesu ne sha u seer tsaase igbenda yase i pasen kwagh la shi taver mbagenev ishima.—1Te 5:11.