Er Yehova yange kohol Mbaiserael nahan, kape nyian kpa a lu kohol ior nav sha u ve er tom u un ne ve je la. Afishi a ubranci man uningir kua atôônanongo man iniongo i duen kwaghpasen sha tar cii ngi eren tom imôngo sha u pasen loho u dedoo. Ka se pase hanma or kwagh kua mba ve lamen zwa ugen je kpaa.—Mp 14:6, 7.

I lu nahan u hen sha kwagh u henen zwa ugen sha er u wase or nana hen mimi vee? Aluer u ngu a shighe u henen zwa ga kpa, u fatyô u eren tom a JW Language app u henen gbenda u taver ga u pasen kwagh. U za lamen a or ken kwaghpasen yô, a lu u inja vough er yange lu Mbakristu mba sha ayange a mbaapostoli la nahan. Yange saan ve iyol kpishi zum u kpiligh ior mba ken ityar igen iyol u ungwan “akaa a kpilighyol a Aôndo a er” la ken ijô ve yô.—Aer 2:7-11.

NENGE VIDIO I HINGIR IJENDE I YEHOVA—PASE KWAGH KEN ZWA UGEN LA, MAA NA MLUMUN SHA MBAMPIN MBA VE DONDO NE:

• Ka shighe u han nahan u fatyô u eren tom a JW Language app?

• Ka akaa agen a nyi nahan a lu ken app laa?

• Ka ijô i nyi nahan ior ve lamen hen haregh wouwe?

• Ka nyi i gbe u u er shighe u or nan tese isharen kpa nan gem nan lamen zwa ugen laa?—od-E 100-101 ¶39-41