Wea lu gumor u u lu pasen kwagh kpa u lu a er batisema ga, shin wea lu henen Bibilo yô, awashima wou ka u eren batisema kpa? Er nan ve i doo u u er batisema? Iyoltseghan man batisema u eren ka ve na or nan ya ikyar kôôsôô a Yehova. (Ps 91:1) Shi aluer se tsegha iyol yase shi se er batisema yô, se war. (1Pe 3:21) Ka nyi i gbe u er ve u nyôr sha aaven ne?

Lu a vangertiôr wer ka mimi je ne. Shighe u kwagh a tsume u yô, seer tôvon sha mi. (Ro 12:2) Fa akaa a i gbe u u sôr ken uma wou yô, shi i lu isharen you u eren kwagh u doon Yehova. (Anz 27:11; Ef 4:23, 24) Sônon Yehova hanma shighe wer a wase u. Lu a vangertiôr wer Yehova una na u agee shi una sue u sha tahav mbu icighan jijingi na. (1Pe 5:10, 11) Iniôngon you la ia saa gbilin ga. Kwagh u hemban doon u u er ken uma wou yô, ka u civir Yehova!—Ps 16:11.

NENGE VIDIO I ER U ER VE U KUMA U EREN BATISEMA YÔ LA, MAA NA MLUMUN SHA MBAMPIN MBA VE DONDO NE:

• Ka mbamtaver mba nyi nahan mbagenev ve tagher a mi kpa ve hemba sha u vea er batisema?

• U er nan ve jighjigh wou una taver a kuma u u tsegha iyol you sha ci u Yehova?

• Ka nyi yange i mgbegha mbagenev u eren akaa a hange hange a i gbe u or a er ve nana kuma u eren batisema laa?

• Ka averen a nyi Yehova ka a na mba ve tsough u civir un laa?

• Inja i batisema man iyoltseghan yô ka nyi?