Samuel yange civir Yehova sha mimi sha ayange a uma na cii. Shighe u lu iyev la je kpa venda u eren ifer i ônov mba Eli mba lu Hofeni man Pinehashi eren la. (1Sa 2:22-26) Samuel yange za hemen u vesen shi Yehova kpa za hemen u veren un doo doo. (1Sa 3:19) Shighe u hingir igyandenor la kpa, za hemen u civir Yehova sha mimi shin er mbayev nav dondo un ga nahan kpaa.—1Sa 8:1-5.

Ka nyi se fatyô u henen ken kwagh u Samuel nee? Wea lu gumor yô, lu a vangertiôr wer Yehova fa mbamtaver mba u lu tagher a mi la kua er ka i lu u ken ishima la cii. Una wase u ú taver ishima her. (Yes 41:10, 13) Wea lu ormaren u wan wou nan lu civir Yehova ga yô, fa wer Samuel yange kighir ônov nav mba ve gande ior kera la ér ve civir Yehova ga, nahan ikyav na ne i sur u ishima. Samuel yange gema zayol na wa Yehova sha ikyev shi za hemen u civir Ter na u sha la sha mimi. Yange doo Yehova a na kpen kpen. Alaghga ikyav you i dedoo la ia urugh wan wou nana hide hen Yehova.

NENGE VIDIO I HEN KWAGH KEN A VE—SAMUEL LA, MAA NA MLUMUN SHA MBAMPIN MBA VE DONDO NE:

• Samuel yange taver ishima shighe u lu wanye la nena?

• Danny er kwagh sha ishimataver nena?

• Samuel yange ver ikyav i dedoo shighe u bee iyol la nena?

• Mbamaren mba Danny ver ikyav i dedoo nena?