Gba u orhenen Bibilo nana tsua azende sha inja ve nana fatyô u luun ijende i Yehova ye. (Ps 15:1, 4) Azende a injaa a a wase nan u eren kwagh u vough. —Anz 13:20; lff ityough 48.

Zum u u lu wasen or u ú henen Bibilo a nan u palegh azende a bo la kpa, lam a nan kundu kundu. Alaghga a taver ve u undun azende a ve a tse la. Sha nahan yô, tese nan wer kwagh u nan gba u ishima sha ashighe a ne lu henen Bibilo ga je kpaa. U fatyô u tindin nan a loho shin yilan nan gayô zan imôngo hen nan. Er nan lu vesen ken jijingi seer la, u fatyô u lôhôn nan we, ne za ma ahumbe vea mba civir Aôndo imôngo. Aluer u er nahan yô, vea kav er kwagh u ve lu zuan a mi la a hembe u a lu saan ve la yô. (Mr 10:29, 30) We kpa a saan we iyol u nengen er tsombor u Yehova u lu vesen yô.

NENGE VIDIO I WASE MBA U HENEN BIBILO A VE LA VE̱ PALEGH AZENDE A BO LA, MAA NA MLUMUN SHA MBAMPIN MBA VE DONDO NE:

• Ka unô ve lu azende a bo?—1Ko 15:33

• Jade hen er una za kohol imôngo vea anmgbianev ve a lu un la nena?

• Neeta wase Jade u undun azende a bo geman tsuan a dedoo nena?