Se soo u eren ishima i Yehova hanma shighe cii. (Anz 27:11) Nahan a gba u se tsuan akaa a a zough sha mhen u Yehova yô, aluer i wa atindi sha akaa shon jighilii ga je kpaa. Ka nyi ia wase se u eren kwagh ne?

Henen Bibilo hanma iyange. Hanma shighe u se lu ôron Bibilo yô, ka inja er se tôô shighe shon se mba vea Yehova nahan. Aluer se mba henen sha gbenda u Yehova yange er kwagh a ior nav shi timen sha akaa a ior mba ve er kwagh u dedoo shin u bo la yô, kwagh la una wase se u kaven gbenda u a henen kwagh yô. Shighe u se soo u tsuan ma kwagh u se er yô, icighan jijingi una wase se u umbur akaawan man akaa a injaa a se hen ken Mkaanem ma Aôndo yô.—Yh 14:26.

Tôv sha kwagh shon. Shighe u ú soo u tsuan kwagh u ú er yô, pine iyol you wer, ‘Ka avur a Bibilo a han aa wasem u kaven mhen u Yehova sha ikyaa ne?’ Sôn Yehova a wase u, shi er tom a akaa a tôvon sha kwagh a a lu ken zwa wou la sha er aa wase u u zuan a akaawan a Bibilo a a zough sha mlu wou la shi u dondo a yô.—Ps 25:4.

NENGE VIDIO I GBA KENG U SÉ ‘GBA AYEM SHA ISHIMA I TAVER’—YAN KWAGHYAN U DEDOO LA, MAA NA MLUMUN SHA MBAMPIN MBA VE DONDO NE:

• Ka mbamtaver mba nyi anmgbian u kwase u ken vidio ne a tagher a mi?

  Mlumun wou

• Shighe u ú tagher a imba mtaver ne yô, u er tom a akaa a tôvon sha kwagh la nena ve a a wase u u nôngon a zayol shono?

  Mlumun wou

• Ka sea tôô shighe sea tôvon sha kwagh shi sea henen kwagh sha tseeneke sha er se fa kwagh u a lu u vough la nahan, kwagh la a wase se nena?—Heb 5:13, 14

  Mlumun wou