Hanma inyom yô, ior mba Yehova ka ve wa iyol u eren M-umbur ne imôngo. Cii ve i er M-umbur kua shighe u i er un i bee kera la cii, ka se er tom a hanma ian i inja i i dugh cii u wuese Yehova sha iyua i nagh ku ipaan i a ne se ne. (Ef 1:3, 7) Ikyav i tesen yô, ka se er tom kpoghuloo u lôhôn ior M-umbur ne. Mbagen di ka ve sôr shighe sha er vea er ishuen pania ken uwer u Maaci shin Aipor vea na ahwa 30 gayô 50 yô. U seer shighe wou u pasen kwagh la sha shighe u M-umbur ne kpa? Ka nyi ia wase u u eren kwagh ne?

Ka sea wa agoyol sha kwagh yô, se hemba eren un tsembelee. (Anz 21:5) Er shighe u M-umbur a lu zurum ne, ka hegen i doo u se hii u wan iyol ye. Hen sha igbenda i u seer eren tom u pasen kwagh hen shighe u M-umbur ne, shi tsua akaa a u er sha er u kure awashima wou ne yô. Maa sôn Yehova a wase u.—1Yh 5:14, 15.

Hen sha igbenda i u seer eren tom u pasen kwagh hen shighe u M-umbur ne yô.