Er se lu ken ayange a masejime ne, ka se tagher a mbamzeyol mba vihin tsung. Alaghga ashighe agen a lu se inja er mbamzeyol asev gande se agee nahan. Nahan kpa aluer se za hemen u kporom hen Yehova yô, una wase se u wan ishima a mbamzeyol mba hemban nyian se ishima mbara je kpaa. (Yes 43:2, 4) Ka nena se kporom hen Yehova shighe u se tagher a mbamzeyolo?

Msen. Ka sea pase Yehova er i lu se ken ishima la wang yô, a na se bem man agee a wan ishima a zayol shon.—Fil 4:6, 7; 1Te 5:17.

Mbamkombo. Kwagh hemba gban se a kwaghyan u ken jijingi kua mzough u anmgbianev la hegen cii, man Yehova ne se akaa ne zum u se ze mbamkombo yô. (Heb 10:24, 25) Ka sea wa iyol tsembelee sea za mbamkombo shi sea lu a ci ker yô, se hemba zuan a iwasen i jijingi u Yehova la cii.—Mp 2:29.

Kwaghpasen. Ka sea nôngo sha afatyô wase cii sea pasen kwagh sha gbashima yô, i hemba lun se zange u veren ishima sha akaa a a hembe lun a inja la. Shi se hemba lun kôôsôô a Yehova kua mba se eren tom ne a ve imôngo la.—1Ko 3:5-10.

NENGE VIDIO I YEHOVA UNA TÔÔ U LA, MAA NA MLUMUN SHA MBAMPIN MBA VE DONDO NE:

• Ka nyi yange i wase Malu u lun kôôsôô a Yehova shin er lu tagher a mbamzeyol nahan kpaa?

  Mlumun wou

• Shighe u se lu tagher a mbamzeyol yô, mkaanem ma ken Pasalmi 34:18 mara ma a sur se ishima er Malu nahan nena?

  Mlumun wou

• Kwagh u er Malu la tese er Yehova ka a na se “agee a a gande a orumace” la shighe u se tagher a mbamzeyol nena?—2Ko 4:7

  Mlumun wou