Bibilo ngi a akav kpishi a a tese er Yehova yange ungwa mbamsen yô. Mbacivir Yehova yange vea kav er a ongo mbamsen vev asange asange shi a wase ve yô, jighjigh ve a seer taver. Sha nahan yô, doo u se ôron Yehova zayol wase jighilii shi se kav er a ongo mbamsen asev yô. Umbur wer alaghga Yehova una ungwa msen wou sha gbenda ugen, gayô una er kwagh a hemba er u sen la. (2Ko 12:7-9; Ef 3:20) Ka nyi alaghga Yehova una er shighe u se er msen hen a na?

• Una na se agee a wan ishima.—Fil 4:13

• Una na se kwaghfan u tsuan kwagh u se er yô.—Yak 1:5

• Una na se agee man isharen i eren kwagh.—Fil 2:13

• Una na se bem shighe u ishima i lu nyian se yô.—Fil 4:6, 7

• Una mgbegha mbagenev u nan se akaa a kwagh a gbe se a mi la shi vea taver se ishima kpaa.—1Yh 3:17, 18

• Shi una wase mba se eren msen sha ci ve la kpaa.—Aer 12:5, 11

NENGE VIDIO I YEHOVA “ONGO MSEN” LA, MAA NA MLUMUN SHA MBAMPIN MBA VE DONDO NE:

• Ikyav i Anmgbian Shimizu la ia wase se shighe u se lu uange nahan se kera fetyô u eren akaa agen ga la nena?

• Se dondo ikyav i Anmgbian Shimizu la nena?