Anmgbianev ka ve er tom kpoghuloo u eren ikyav i tesen er a lam a ior ne, man kwagh ne ngu wasen anmgbianev u pasen kwagh hen uharegh vev kpen kpen. Nahan cii kpa, er mbamlu mba ior sha ajiir kposo kposo ve kaha yô, mbapasenkwagh vea fatyô u eren tom a ikyav igen kposo u lamen a ior mba hen haregh ve sha er a kôr ve ken ishima yô. Aluer ka shighe u i lu eren kyampen i vesen yô, a gba u hanma or nana dondo kwagh u i kaa ér i er la. Awashima wase ka u eren kwagh u Yesu kaa ér i pase loho u dedoo u Tartor la.—Mt 24:14.

Shighe u u lu eren asaimenti yô, lam sha itinekwagh i ken ikyav i tesen er a lam a ior i i lu ken Antakerada u Mkombo u Uma Wase man Tom Wase la (ken uwer u Julai man Agusutu ne, itinekwagh ka awashima u Aôndo). Saa a tese kposo, gayô mbapasenkwagh vea fatyô u tsuan mpin shin ma ivur Bibilo shin mpin u vea lam sha mi kwagen gayô gbenda ugen u ua hemba zuan sha mlu u ior mba hen haregh ve la. Kwaghwan ne nyôôso u ken antakerada u mkombo u Jun 2020 u a lu sha peeji 8 la.