Yehova soo ér i saan hanma tsombor iyol. (Ps 127:3-5; Orpa 9:9; 11:9) Nahan kpa, ashighe agen ishimanyian i tar ne kua akaa a mba hen tsombor ve er shami ga la aa na a kera saan se iyol ga. Ka nyi hanma or hen tsombor nana fatyô u eren sha u van a msaanyol hen tsomboro?

Gba u nom nana eren a kwase u nan sha ue. (1Pe 3:7) Nana luun vea kwase u nan. Gba u nana nengen ér kwase u nan a er kwagh u a gande nan agee ga, kpa nana wuese kwase u nan sha akaa a nan eren sha ci u tsombor la. (Kol 3:15) Nom a eren a kwase u nan doo doo shi nana wuese nan.—Anz 31:28, 31.

Gba u kwase nana keren igbenda i wasen nom u nan. (Anz 31:12) Gba u nana eren kwagh ken mzough vea nom u nan shi nana ungwan imo i nom u nan. (Kol 3:18) Gba u nana lamen sha nom u nan sha inja shi nana lamen a nom u nan kundu kundu.—Anz 31:26.

Gba u mbamaren vea tôôn shighe u lun vea mbayev vev. (Dut 6:6, 7) Gba u vea ôron mbayev vev ér ve doo ve ishima. (Mt 3:17) Shighe u ve lu tsahan mbayev kpa, i lu akuma akuma man sha dooshima.—Ef 6:4.

Gba u mbayev vea ungwan mbamaren shi vea naan ve icivir. (Anz 23:22) Gba u vea lamen a mbamaren vev shi vea pasen ve er i lu ve ken ishima la. Gba u vea lumun tsaha u mbamaren vev shi vea lahan mbamaren vev ga.—Anz 19:20.

NENGE VIDIO I HEN U EMBER VEA TSOMBOR WOU IMÔNGO LA, MAA NA MLUMUN SHA MPIN U A DONDO NE:

Ka nyi hanma ve nan er sha u van a msaanyol hen tsomboro?