Aluer se tsua akaa a se we ishima u seer eren ken mcivir Aôndo yô, a saan Yehova iyol a vese kpishi. Akaa ne ka a wase se u seer vesen ken mimi, nahan gba u se na shighe wase man agee ase cii u eren akaa ne. (1Ti 4:15) Doo u se gbidyen kwar sha akaa a se we ishima u eren la sha ashighe shighe sha ci u nyi? Ityôkyaa yô, mbamlu asev mba gem. Alaghga se kera fatyô u eren ma kwagh u yange se wa ishima la ga, shin se er kwagh shon kar, nahan a gba u se ker kwagh ugen u se er yô.

Ka i hemba doon u henen sha akaa a se soo u eren ken mcivir u Yehova la cii ve se nyôr ken inyom i tom shon ye. Ne fatyô lamen sha akaa a tsombor u we ishima u eren man a hanma or nan we ishima u eren la hen mcivir u tsombor.

Ka nyi u we ishima u eren ken akaa a i ter heen nee, man ka nyi ia wase u u eren akaa shono?