Ken uwer u Setemba ne, se er tom kpoghuloo u ôron ior er i lu Tartor u Aôndo tseegh ua fatyô u been a mbamzeyol mba uumace yô. (Mt 24:14) U er tom ne nena? Ôr ior kpishi er u fetyô la ma ivur Bibilo i sha kwagh u Tartor u Aôndo ken uwer shon. Aluer or tese isharen yô, na nan kôpi u Iyoukura i nan ken won i Namba 2 2020 la. Maa hide za sôr nan shi hii Bibilo i henen a nan a antakeda u Lu Uma Gbem! la. Mba vea lu eren ishuen pania ken uwer u Setemba ne cii vea fatyô u tsuan ér vea na ahwa 15 shin 30.

Shighe kera shi vese ga tsô Tartor u Aôndo ua kar a ugomoti mba ve lu hendan a u la cii kera. (Da 2:44; 1Ko 15:24, 25) Nahan yô, se er nen tom a ian i icivirigh ne u tesen ser se mba suen Yehova man Tartor na!