LU A IEREN I ORKRISTU
Kav Dooshima u Yehova u a Been Ga La
Yehova ver se ikyav i hemban cii sha dooshima na u been mayange ga la. (Ps 103:11) Dooshima ne lun di sha anshighe kpuaa tsô ga. Dooshima ne za shimi, shi ngu a na or nan var a orgen gbang. Yehova yange tese ieren ne hen ior nav Iserael sha igbenda kpishi. Yange due a ve ken kpan ken Igipiti va a ve ken Tar u Ityendezwa la. (Ps 105:42-44) Yange nôngo kwagh sha ci u ior nav acin imôngo shi deen ve akaabo kpaa. (Ps 107:19, 20) Er se “time sha aeren a Yehova a sha dooshima la zulee” se bee yô, ishima mgbegha se u kaven un.—Ps 107:43.
NENGE VIDIO I “TIME SHA AEREN A YEHOVA A SHA DOOSHIMA LA ZULEE” LA, MAA NA MLUNUM SHA MBAMPIN MBA VE DONDO NE:
-
Ka sha igbenda i nyi nahan se fatyô u tesen dooshima u been ga la?
-
Saa se de akaa agen aa kar se keng ve se fatyô u tesen ior dooshima u been ga la sha ci u nyi?
