Julai 29–Agusutu 4
PASALMI 69
Icam 13 man Msen | Mkaanem ma Hiin Mkombo (Miniti 1)
1. Er Yange i Tsengaôron Akaa a Aa va Er Yesu ken Pasalmi 69 Yô
(Miniti 10)
I kôr Yesu ihyom a ityôkyaa shio (Ps 69:4; Yh 15:24, 25; w11 8/15 11 ¶17)
Yesu lu a gbashima sha kwagh u iyou i Aôndo (Ps 69:9; Yh 2:13-17; w10 12/15 8 ¶7-8)
Yange ishima za Yesu iyol nahan i na un wain u i nungwa kwagh u yuan shami yô er a ma (Ps 69:20, 21; Mt 27:34; Lu 22:44; Yh 19:34; g95-E 10/22 31 ¶4; it-2-E 650)
HEN SHA KWAGH NE: Yehova yange na i nger akaaôron a profeti a sha kwagh u Mesiya la ken Ruamabera u Mbaheberu la sha ci u nyi?
2. Akaainjaa a ken Bibilo
(Miniti 10)
-
Ps 69:30, 31—Avur ne aa wase se u seer fan msen u eren nena? (w99-E 1/15 18 ¶11)
-
Ka akaainjaa a nyi u zough a mi ken Bibilo i ôron i ken kasua ne a u soo u ôron mbageneve?
3. Bibilo i Ôron
(Miniti 4) Ps 69:1-25 (th kwaghhenen u sha 2)
4. Waan Ishima—Kwagh u Yesu Er Yô
(Miniti 7) Kwaghôron u wan mba u lu lamen a ve la ker. Tese VIDIO la, maa lam nen sha lmd ityough 8 ityôkwagh i sha 1-2.
5. Waan Ishima—Dondo Ikyav i Yesu
(Miniti 8) Kwaghôron u wan mba u lu lamen a ve la ker, a har sha lmd ityough 8 ityôkwagh i sha 3-5 man vegher u “Shi Nenge” la.
Icam 134
6. Ugbayol mba Tiônnongo
(Miniti 5)
7. Mbamhen mba Vea Wase Mcivir u Tsombor Aikighe Yô
(Miniti 10) Kwaghôron u wan mba u lu lamen a ve la ker.
Ken uwer u Janawari inyom i 2009 la, i gema Bibilo i Henen ken Tiônnongo man Makeranta u Henen Tom u Hemen u Aôndo man Mkombo u Henen Tomshiren la cii hingir mkombo u ken atô u kasua. Kwagh ne na icombor ian i zuan a shighe hanma kasua aikighe eren mcivir u tsombor. Ior kpishi wuese kwagh ne sha ci u a na ve zua a shighe u seer kporom hen Yehova man mba hen tsombor ve.—Dut 6:6, 7.
Ka mbamhen mba nyi nahan vea wase mbayaav u eren Mcivir u Tsombor u aikighe la sha gbenda u hemban doon?
-
Eren mcivir u tsombor hanma shighe. Aluer gba sha mi yô, ver shighe u eren mcivir u tsombor hanma kasua. Ver iyange igen kpaa, sha er aluer kwagh ugen va nyôr sha iyange i ne ver la kpa, ne bunde mcivir ga yô
-
Wa iyol. Lam vea kwase wou, shi mbayev ou kpa pinen ve mbamhen vev. Aluer ka akaa a tsombor u eren hanma kasua shi a doo hanma or yô, gba u saa a za wa iyol kpoghuloo ga
-
Kwaghhenen a zua sha mlu u tsombor wou. Mbayev ka vea vesen yô, mbamlu vev kpa ve geman. Nahan mcivir wen a wase hanma or hen tsombor u seer kporom hen Yehova
-
Mcivir u tsombor a lu shighe u saan iyol. Ashighe agen ne fatyô u za keren ijiir igen eren mcivir u tsombor. Ne fatyô u zan ahumbe je kpaa. Doo u a ver ishima sha mbamtaver mba mbayev ve lu tagher a mi jighilii la, kpa shighe u mcivir a de lu shighe u puun shin tsahan mbayev ga
-
Geman gbenda u eren mcivir. Ikyav i tesen yô, ne fatyô u tsuan vegher u mkombo u a ve la wan iyol sha mi, shin nengen vidio i sha jw.org lamen sha mi, gayô karen iyol i za pasen kwagh. Er i gbe u tsombor ua hemba veren ishima u lamen imôngo shighe u i lu eren Mcivir u Tsombor aikighe la nahan kpa, doo u a ver ishima sha kwagh u shighe sha er mba hen tsombor vea zua ian i henen kwagh sha tseeneke ve yô
Lam nen sha mpin ne:
-
I lu nahan ne kar u dondon mbamhen mban hen mcivir u tsombor wen kpa?
8. Bibilo i Henen ken Tiônnongo
(Miniti 30) bt ityough 13 ¶8-16 man ngeren u kiriki u sha peeji 105
