Yehova yange wasen mbaatsanev mba ken Iserael u sha ayange a tsuaa la. Ka sha igbenda i nyi nahan a wasen mba civir un mba ve lu ken ibanave nyian la?

• A tese ve u lun a mnenge u vough sha kwagh u inyar.—Lu 12:15; 1Ti 6:6-8

• A tese ve u nengen ayol a ve ér ve gba kwagh.—Yob 34:19

• A tese ve ér gba u vea eren tom kpoghuloo shi vea palegh aeren a aa fatyô u vihin or la.—Anz 14:23; 20:1; 2Ko 7:1

• A va a ve ken mzough u Mbakristu u anmgbianev mba ve doo ayol a ve la.—Yoh 13:35; 1Yh 3:17, 18

• A na ve ishimaverenkeghen.—Ps 9:18; Yes 65:21-23

Sea nyôr ken mlu u ican kpishi je kpa, ityôkyaa ngi i ishima a nyian se ga. (Yes 30:15) Yehova una nenge sha a vese, aluer se za hemen u keren Tartor na yô.—Mt 6:31-33.

NENGE VIDIO I DOOSHIMA BEEN MAYANGE GA ALUER . . . U NGU KEN IBANAVE JE KPAA—TAR U CONGO, MAA NA MLUMUN SHA MBAMPIN MBA VE DONDO NE:

• Anmgbianev mba ve lu ikyua a ijiir i i eren mkohol u vesen her la er a mba ve mough ajiir a icaa ve ze mkohol la doo doo nena?

• I tese ken vidio la er Yehova a we mbaatsanev ikyo nena?

• Sea lu a kwagh ave kpishi shin sea lu a mi yum ga kpa, se dondo ikyav i Yehova i wan mbaatsanev ikyo la nena?